ТАРҲҲО

Хабари нав

Мардони Муҳаммад

Матолиби Мардони Муҳаммад

декабр 21, 2016
4 бонки "дар ҳолати вазнин"-ро чӣ гуна наҷот хоҳанд дод? САДО

Вазорати молияи Тоҷикистон барои наҷоти 4 бонки, ба қавли мақомот, "дар ҳолати вазнин" векселҳои давлатиро нашр мекунад. Ин векселҳо ё коғазҳои қиматнок барои панҷ сол ба гардиш бароварда шуда, дар заминаи онҳо Бонки миллӣ ба бонкҳои тиҷоратӣ пул хоҳад дод.
декабр 20, 2016
Душанбе ҳанӯз ба парвози ҳавопаймои "Ямал" иҷоза надодааст. САДО

Раҳбарияти фурудгоҳи "Жуковский" дар посух ба номаи Радиои Озодӣ гуфтанд, ки ҳанӯз Тоҷикистон ба парвози ҳавопаймои ширкати "Ямал" аз Маскав ба Душанбе розӣ нашудааст ва ба ин далел 100 мусофир дар фурудгоҳ интизор нишастаанд.
декабр 19, 2016
"Бинои ГЖК-ро нимтайёр ба истифода дода буданд". АКСУ САДО

Дар пайи фурӯ рафтани қисмате аз айвон ё "балкон"-и бинои "Шарқи озод", муассисаи таҳти идораи дастгоҳи иҷроияи президент, дафтари хабаргузории "Авесто" хароб шудааст.
декабр 16, 2016
“Асадулло Маҳмудов душмани зиёд дошт”. ВИДЕО, САДО, АКС

Писарамаки соҳибкори тоҷики дар Магнитогорск кушташуда гуфт, Асадулло Маҳмудов дар миёни “худи тоҷикҳо” душмани зиёд дошт ва эҳтимолан, қурбони ин ихтилофҳо шуд. Рӯзи 15 декабр дар Русия як соҳибкори 49-солаи тоҷик аз тири туфанги ҳамлагари ношинос кушта шуд.
декабр 15, 2016
Кӣ молу маҳсулотро қочоқ мекунад?

Бар асоси тағйироте, ки ба Кодекси ҷиноии Тоҷикистон ворид гардид, қочоқбарони молу маҳсулот ба ҷавобгарии ҷиноӣ ва маҳрумият аз озодӣ маҳкум хоҳанд шуд. То ҳол барои содир кардани ҷиноятҳои марбут ба қочоқ танҳо ҷазои маъмурӣ, яъне пардохти ҷарима пешбинӣ мешуд.
декабр 15, 2016
Дар як сол 300 тоҷикистонӣ бо хориҷиҳо издивоҷ кардаанд. САДО

Ҳарчанд барои "домодҳо"-и хориҷӣ барои издивоҷ бо духтарони тоҷик шартҳое чун харидани хона ва бастани аҳдномаи никоҳ муқаррар шудааст, аммо шумораи хосторони барпо кардани оила бо тоҷикистониҳо кам намешавад. Мақомот мегӯянд, шарти 5 сол пеш ҷоришудаи издивоҷ бо тоҷикистониҳоро хориҷиҳо пазируфтанд ва аз нияти барпо кардани оила бо тоҷикон худдорӣ намекунанд.
декабр 06, 2016
Ҳаёт Неъмат: Мирзиёев - Каримов нест

Мусоҳибаи хабарнигори радиои Озодӣ Мардони Муҳаммад бо шоир Ҳаёт Неъмат дар бораи шахсият ва дурнамои кори президенти тозаинтихоби ҷумҳурии Ӯзбакистон Шавкат Мирзиёев.
декабр 05, 2016
Дар Тоҷикистон аз президенти нави Узбакистон чӣ умед доранд? ВИДЕО

Натиҷаҳои интихоботи президентии Узбакистонро дар Тоҷикистон ҳам пайгирӣ карданд. Эълони пирӯзии Шавкат Мирзиёев ҳоло ин умедро бештар кардааст, ки муносиботи дар ду даҳсолаи охир ба мушкил печидаи ҳамсояҳо беҳбуд хоҳад ёфт.
ноябр 24, 2016
Музокироти Тоҷикистону Қирғизистон: аз суботи марз то ҳамкориҳои иқтисодӣ

Дар ҷаласаи Комиссияи байниҳукуматии Тоҷикистону Қирғизистон, ки рӯзҳои 21 ва 22 ноябр дар Бишкек баргузор шуд, масоили марбут ба таъмини амнияти марзҳо ва роҳҳои тавсеаи ҳамкориҳои иқтисодию тиҷоратӣ баррасӣ шудааст. Бишкеку Душанбе дар баробари таъкид ба эътидоли вазъ дар рустоҳои наздимарзӣ дар ду соли охир, аз коҳиши якбораи тиҷорати марзӣ сӯҳбат кардаанд.
ноябр 22, 2016
Сармои шадид дар Тоҷикистон. Мақомот: мардум ғизову сӯзишворӣ захира кунанд.

Зимистон ва барфҳои зиёд имсол ба Душанбе ва нуқоти дигари Тоҷикистон пеш аз мӯҳлат фаро расид. Сардии ҳаво рӯзи 22 ноябр, як ҳафта пеш аз хатми тирамоҳ дар дараҷаи минуси 8 буд ва ба қавли мутахассисони ҳавошиносӣ, ҳанӯз охири кор нест.
ноябр 22, 2016
Сармои шадид дар Тоҷикистон. Мақомот: мардум ғизову сӯзишворӣ захира кунанд. ВИДЕО

Кумитаи ҳолатҳои фавқулоддаи Тоҷикистон аз сокинони кишвар даъват кардааст, ки дар манзилҳои худ ба миқдори зарурӣ сӯзишворӣ захира кунанд. Ҳавошиносон мегӯянд, ки ҳавои сард ва боридани барф тӯли як ҳафта идома хоҳад ёфт.
ноябр 17, 2016
1 май дигар дар Тоҷикистон таътил нест. ВИДЕО

Рӯзи истироҳати сокинони Тоҷикистон дар робита бо ҷашни “Иди ҳамраъйии коргарон” -- рӯзи 1 май бекор шуда, ҳамакнун ин сана, ки таърихи таҷлилаш дар ҷумҳурӣ таърихи 92-сола дорад, танҳо ба таври расмӣ дар феҳристи идҳо боқӣ мемонад.
ноябр 16, 2016
Буҷаи соли 2017 қабул шуд. Як доллар = нӯҳ сомонӣ. ВИДЕО

Порлумон қонуни буҷаи соли 2017-ро қабул кард. Коршиносон мегӯянд, чолиши асосии буҷа сохтмони Роғун аст, ки бунёди сарбандаш охири моҳи октябри имсол шурӯъ шуд. Бар асоси тарҳи буҷа, соли оянда арзиши як доллари амрикоӣ ба 9 сомониву 16 дирам хоҳад расид.
ноябр 15, 2016
"Муҳаммад Расулуллоҳ"-ро имкон дорад дар Душанбе намоиш диҳанд

"Муҳаммад Расулуллоҳ" -- филми маъруфи коргардони эронӣ Маҷид Маҷидиро, ки ба қимати 35 миллион доллар наворбардорӣ шуда, вале бо вокунишҳое дар ҷаҳони Ислом рӯ ба рӯ гардидааст, имкон дорад дар Душанбе намоиш диҳанд.
ноябр 14, 2016
Чину Тоҷикистон: аз ҳамкориҳои иқтисодӣ ба амниятӣ

Бар асоси созишномаи нави миёни Тоҷикистону Чин, Пекин дар марзи муштараки Тоҷикистон ва Афғонистон чор дидбонгоҳ ва дар шаҳри Душанбе як Маркази таълимӣ барои сарҳадбонони тоҷикро бунёд хоҳад кард.
ноябр 11, 2016
Оё ҳукумат воқеан дар фикри баргардонидани мухолифин аст?

Манобеи ғайрирасмӣ мегӯянд, ки бархе аъзои гурӯҳҳои мухолифи давлати Тоҷикистон дар хориҷа аз ҷониби мақомоти кишвар даъвати бозгашт ба ватанро дарёфт кардаанд. Созмонҳои мудофеи ҳуқуқи инсон мегӯянд, дар давоми чанд соли охир Тоҷикистонро даҳҳо афроди марбут ба оппозитсияи тоҷик, тарк кардаанд.
ноябр 10, 2016
Ҳаққи хонаводаҳои камбизоатро кӣ мехӯрад?

Дар Тоҷикистон низоми нави пардохти кӯмакҳо ба афроди ниёзманд ҷорӣ мешавад. Масъалаи аслӣ ин аст, ки кӯмакҳои башарӣ на ҳамеша то ба манзил мерасанд ва ҳодисаҳои ба дасти афроди дигар афтоданашон зиёд буд.
ноябр 09, 2016
Журналистон: Марзи миёни таҳқиру танқид хеле ҳассос аст

Созмонҳои хабарнигории Тоҷикистон ба Кодекси ҷиноии кишвар ворид шудани банди “таҳқиру тӯҳмат ба Пешвои миллат” ва таъйини ҷазо барои онро навъи эҷоди маҳдудият дар самти озодии баён дар Тоҷикистон унвон карданд.
ноябр 08, 2016
Душанбе САҲА-ро муҷозот мекунад?

Баъди ду моҳи нишасти пурсарусадои САҲА дар Варшава, ҳайати расмии Тоҷикистон аз иштирок дар нишасти навбатии ин созмон дар Тошканд худдорӣ мекунад.
ноябр 04, 2016
"Русия барои расидан ба ҳадаф аз фишангҳои иқтисодӣ кор мегирад". ВИДЕО

Вазири нақлиёти Тоҷикистон мегӯяд, ки дар гуфтугӯҳо бо Маскав, аз манфиатҳои ширкатҳои ҳавоии ватанӣ ҳимоя намуда ва ба принсипи баробарӣ дар анҷоми парвозҳо, пойфишорӣ хоҳанд кард. Ин вазорат айни замон мегӯяд, ки Маскав ҷадвали парвозҳои ширкатҳои Тоҷикистонро танҳо то рӯзи 8 ноябр тасдиқ кардааст.

Ёфтҳои бештар

Бозгашт ба оғоз

XS

SM

MD

LG