Малола Юсуфзай, духтари покистонӣ ва барандаи ҷоизаи сулҳи Нобел, хостори иқдомоти ҷиддӣ алайҳи идеологияи ифротӣ ва табъизи занон шудааст. Малола дар як мусоҳибааш рӯзи 9-уми март ибрози умед кард, “алайҳи идеологияе мубориза шавад, ки баробарии марду занро намепазирад” ва ҳаққи омӯзишро ба кӯдакон намедиҳад.
Малолаи бистсола пас аз онки соли 2012 дар як тирандозии ҷангҷӯёни Толибон дар минтақаи Своти Покистон захмӣ шуд, фаъолияташро барои дифоъ аз ҳаққи омӯзиши духтарон оғоз кард.
Малола соли 2014 ҷоизаи сулҳи Нобелро гирифт ва дар ҳоли ҳозир дар Донишгоҳи Оксфорд дарс мехонад.
Дар аввали соли гузашта ба унвони ҷавонтарин фиристодаи сулҳи Созмони Милали Муттаҳид номзад шуд.
