Минтақаҳо

Чанд хонандаи мактаб дар як тасодуф дар Суғд маҷруҳ шудаанд

Муфаттишон дар ноҳияи Бобоҷон Ғафуров (вилояти Суғд) тафтиши тасодуф ё садамаи нақлиётиеро оғоз кардаанд, ки дар натиҷаи он чанд хонандаи як мактаб захм бардоштаанд.

"Таҳдид карданд." Даъвати қариб 20 мансабдор ба мурофиаи Аҳмади Иброҳим

Додгоҳ ҳудуди 20 мансабдорро барои шоҳидӣ додан алайҳи Аҳмади Иброҳим, сардабири нашрияи “Пайк” дар вилояти Хатлон, ба мурофиаи додгоҳӣ даъват кардааст. Мурофиаи ӯ паси дарҳои баста дар Боздоштгоҳи Кӯлоб идома дорад.

Рухшод Ашӯрбекова, раиси "Рушди Помир", 12 сол зиндонӣ шуд

Додгоҳи Вилояти Мухтори Кӯҳистони Бадахшон Рухшод Ашӯрбекова, раиси созмони қарздиҳии “Рушди Помир”-ро ба 12 сол зиндон маҳкум кардааст. Ду зердасти ӯ, Мурид Мавлоназаров 11 сол ва Умайра Ниёзова 10 сол, аз озодӣ маҳрум гаштанд. Мурид Мавлоназаров солҳои дароз муҳосиби созмони "Рушди Помир" будааст.

Бозгашт ба "усули бобоӣ". Сокинон дар Тоҷикистон роҳи наҷот аз сардиро меҷӯянд

Бо наздик шудани зимистон ва сардтар гардидани ҳаво аксари сокинони навоҳии Тоҷикистон шикоят доранд, ки бо душворӣ рӯз мегузаронанд. Дар як шабонарӯз ҳамагӣ 8 соат барқ мегиранд ва барои гарм кардани хонаҳояшон усулҳои бобоиро истифода мебаранд.

"Ҷасадро худам шустам." Марги сарбози 20-солаи тоҷик дар қисми низомӣ

Ҷасади Ботир Эргашев, сарбози Нерӯҳои марзбонии КДАМ-ро, ки дар як қисми низомӣ дар ноҳияи Шамсиддини Шоҳин хидмат мекард, дар зодгоҳаш - деҳаи Деҳмойи ноҳияи Ҷаббор Расулов - дафн карданд, аммо суолу тахминҳо дар бораи марги ӯ боқист. Вай 20-сола буд.

"60 километрро 5-6 соат мегузарем." Гузориш аз роҳе, ки ягон бор таъмир нашудааст

Кай роҳ ба ноҳияи Кӯҳистони Масчоҳ обод мешавад? Ин суолест, ки аксари сокинони ин ноҳияи дурдасти Тоҷикистон ва як қисмати ноҳияи Айнӣ солҳо боз аз мақомот мепурсанд. Ҳам дар даврони Шӯравӣ ва ҳам дар 34 соли Истиқлолият, ин роҳ ягон маротиба асфалтпӯш нашудааст.

"Дари касеро зада нашикастаем". Вокуниш ба гузориши Радиои Озодӣ

Маҳфили шеъри Фарзона ва таҷлил аз 60-солагии ӯ дар Хуҷанд

Адабиётшиносон ва дӯстдорони шеър рӯзи якуми ноябр дар театри Камоли Хуҷандӣ дар маркази вилояти Суғд ҷамъ омаданд, то аз вижагиҳои эҷодиёти Фарзона (Иноят Хоҷаева) суҳбат кунанд. Нишаст ду рӯз давом мекунад. Дар рӯзи аввал меҳмонон аз вилоятҳои Самарқанду Фарғона, Эрон ва Олмон сухан гуфтанд.

"Он вақт 70 сомонӣ буд, ҳоло 95 сомонӣ." Чӣ ё кӣ сабаби афзоиши нарх шуд?

Барномаи ғизои Созмони Милали Муттаҳид чанде пештар аз боло рафтани арзиши гӯшт дар бозорҳои Тоҷикистон хабар дод. Ин ниҳоди байнулмилалӣ дар гузоришаш оварда, ки нархи гӯшти гов дар чанде аз бозорҳои кишвар дар муқоиса ба як моҳи гузашта 13 ва як сол пеш 27 дарсад афзудааст.

"Комбинат" чӣ гуна кони мармари "Хрустал"-ро ба даст овард?

"Комбинати металлургии тоҷик", ки бар асоси ҳуҷҷатҳо муассисаш ширкати "Фароз" сабт шудааст, дар як кони ҷанҷолӣ дар деҳаи Поймазори ноҳияи Ванҷ ба истихроҷи мармар оғоз кардааст. Пештар ин кон дар ихтиёри ширкати "Хрустал" буд. Моликаш Ху Сюдун, шаҳрванди Чин, аст.

Ҷанҷол барои як порча замин дар Суғд сабаби "бонги хатар" шуд

Як соҳибкор дар ноҳияи Бобоҷон Ғафуров барои бозпас гирифтани боғаш ба ниҳодҳои интизомии минтақа "бонги хатар" задааст. Вай дар номаи хеш ба мақомот иддао кардааст, ки масъулони ҳукумати маҳаллӣ ва Идораи замин бархилофи қонун боғи ӯро ба як соҳибкори дигар медиҳанд.