Мӯъмин Аҳмадӣ

Хобгоҳи 200 муҳоҷири тоҷик дар Русия хокистар шуд

Муҳоҷирони тоҷике, ки рӯзи 20-уми октябр хобгоҳашон дар Маскав оташ гирифт, мегӯянд, ҷойи хоби дуруст надоранд. Санадҳои онҳо низ дар ин сӯхтор нобуд шудааст.

"Толибони тоҷик"-ро ба қитъаи ҳассоси марзи Тоҷикистон овардаанд

"Толибон", ки акнун ба Афғонистон ҳукумат мекунад, як гуруҳи 130-нафариро дар вулусволии Шаҳрибузурги вилояти Бадахшони ин кишвар ҷойгир кардааст, ки бо ноҳияи Шамсиддин Шоҳин (Шӯроободи пешин)-и Тоҷикистон ҳамсарҳад аст.

Сафорат ба Воронеж, ба суроғи 110 муҳоҷири "фиребхӯрда"-и тоҷик рафтааст. ВИДЕО

Кормандони Сафорати Тоҷикистон дар Маскав барои ҳали мушкили 110 муҳоҷири тоҷик дар Воронеж ба ин минтақа сафар кардаанд. 

"Саги кӯча соҳиб дорад, мо не." Додхоҳии як гуруҳ аз муҳоҷирони тоҷик дар Русия. ВИДЕО

Беш аз сад  муҳоҷири тоҷик дар деҳаи Шубини Воронеж иддао доранд, ки корфармо онҳоро фиреб дода, ҳоло дар шароити ғуломӣ ба сар мебаранд. Ин гуруҳи муҳоҷирон ба гуфтаи худашон се моҳ пеш барои себчинӣ аз Тоҷикистон омаданд, вале ба ҷойи даромад гирифтан, баръакс қарздор шудаанд.

"Аҳмад Масъуд барои музокирот ба Тоҷикистон омад, вале аз Толибон дарак нашуд"

Манбаъҳои наздик ба ҳукумати Тоҷикистон хабар доданд, ки Аҳмад Масъуд, раҳбари Ҷабҳаи муқовимати миллии Афғонистон, "бо як сафари кӯтоҳ ба Душанбе омад, аммо дубора ба Панҷшер бозгашт".  

Манбаъҳо: "Ансоруллоҳ" ба Тоҷикистон чашм "дӯхтааст". Душанбе нигарон аст, "Толибон" рад мекунад

Дар Тоҷикистон аз тақвият ёфтани ҷангҷӯёни “Толибон” дар минтақаҳои шимолии Афғонистон нороҳатанд ва маълумоти расида аз густариши фаъолияти “Ҷамоати Ансоруллоҳ"-ро дар хатти марз бо Тоҷикистон меомӯзанд.

Қирғизистон ба даҳҳо донишҷӯйи тоҷик иҷозаи вуруд надодааст

Беш аз 100 донишҷӯйи тоҷики донишгоҳҳои Қирғизистон, ки ҳоло дар кишвар ҳастанд, бо вуҷуди муроҷиатҳои батакрор, иҷозаи даромадан ба Бишкекро нагирифтаанд.

Имрон Хон гуфт, эътирози Раҳмонро ба "Толибон" расонд. Дар Тоҷикистон чӣ интизориҳо доранд?

Имрон Хон, сарвазири Покистон гуфтааст, пас аз суҳбат бо Эмомалӣ Раҳмон, барои ташкили як давлати ҳамашумул дар Афғонистон бо Толибон гуфтугӯро оғоз кардааст.

Дастгоҳ аз Додситонӣ хост, марги занеро, ки ҷасадаш бо 26 зарби корд ёфт шуд, таҳқиқ кунад

Дастгоҳи иҷроияи президенти Тоҷикистон аз Додситонии кулли кишвар хостааст, марги занеро, ки ҷасадаш моҳи июни имсол дар ноҳияи Файзобод бо 26 зарби корд пайдо шуд, таҳқиқ кунад. 

"Тоҷикистон ба занону кӯдакони афғон роҳ дод, мардонро пас гардонд"

Дар даҳ рӯзи охир тақрибан 200 шаҳрванди Афғонистон кӯшиш кардаанд, ки ба хоки Тоҷикистон биоянд. Мақомот дар вилояти Хатлон гуфтанд, ба тақрибан сад зану кӯдак иҷозаи даромадан дода шуд, аммо беш аз сад мард ҳаққи вуруд пайдо накарданд. 

Тоҷикистон ва Толибон. Нигоҳҳо ба изҳороти Эмомалӣ Раҳмон аз чанд зовия

Тоҷикистон бо мавзеъгирии хоси худ дар баробари ҳаводиси Афғонистон дар сафи пеши кишварҳое қарор гирифт, ки ошкоро гуфтаанд, ҳукумати Толибонро эътироф нахоҳад кард.

Ба навзоде дар Душанбе Масъуд ном ниҳоданд. Аҳмадшоҳи Масъуд ва писарашро бо Тоҷикистон чӣ мепайвандад? ВИДЕО

Навзодеро дар Душанбе ба ифтихори қаҳрамони миллии Афғонистон Аҳмадшоҳи Масъуд ва писараш, Масъуд ном гузоштаанд. Аҳмадшоҳи Масъуд солҳо ба зидди Шӯравӣ ва гуруҳи “Толибон” дар Афғонистон ҷангида, 9-уми сентябри соли 2001 аз ҷониби афроди “Ал-Қоида” кушта шуд.

Авҷи даргириҳо дар Панҷшер. Раиси идораи ҷосусии Покистон ба Кобул омад

Аҳмад Масъуд, фармондеҳи Ҷабҳаи муқовимат дар Панҷшер ҳузури Толибон дар қудрати Афғонистонро "фоҷеаи зиддибашарӣ" ва "силоҳи қатли ом" унвон карда, аз ҷомеаи ҷаҳонӣ хостааст, аз ҳадафҳои ин гуруҳ ҷилавгирӣ кунанд.

Ба сайёҳи қатарӣ иҷоза надоданд, ки бо 9 шоҳин аз Душанбе ба Дубай равад. ВИДЕО

Субҳи 4-уми сентябр ба як сайёҳӣ қатарӣ, ки бо нӯҳ паррандаи шоҳин аз Тоҷикистон қасди сафар ба Дубай ва аз он тариқ ба Қатарро дошт, дар фурудгоҳи Душанбе иҷозаи парвоз надоданд.

Сайёҳи қатариро нагузоштанд, ки аз Душанбе равад

Субҳи 4-уми сентябр ба як сайёҳӣ қатарӣ, ки бо нӯҳ паррандаи шоҳин аз Тоҷикистон қасди сафар ба Дубай ва аз он тариқ ба Қатарро дошт, дар фурудгоҳи Душанбе иҷозаи парвоз надоданд.

Нақли зане, ки дар эътирози зидди Толибон иштирок кардааст

Даъвати Карзай аз "Толибон" ва Ҷабҳаи муқовимат: "Ҷанг захмҳои куҳнаро тоза мекунад"

Ҳомид Карзай, президенти собиқи Афғонистон ҳуҷуми "Толибон" ба Панҷшерро “тоза шудани захмҳои кӯҳна” хонда, аз ду ҷониби даргир хостааст, ки мушкилро аз роҳи гуфтугӯ ҳал кунанд.

Ихроҷи паноҳҷӯёни тоҷик аз Олмон. Маърака ё равиши муқаррарӣ?

Зиёда аз даҳ паноҳҷӯи тоҷик дар Олмон мегӯянд, ба онҳо хатари ихроҷ аз ин кишвар таҳдид мекунад. 

Амрико як ҷангҷӯи тоҷикро ба феҳрасти "сиёҳ" шомил кард

Фаррух Файзиматов, машҳур бо лақаби "Форуқ Шомӣ", шаҳрванди 25-солаи Тоҷикистон, таҳти таҳрими Иёлоти Муттаҳида қарор гирифт.

Толибон назорати марз бо Тоҷикистонро ба афроди "Ансоруллоҳ" доданд. Маҳдӣ Арсалон кист? ВИДЕО

Толибони афғон мегӯянд, нисбат ба ҳамсояҳо ягон нақшаи бад надоранд. Аммо онҳо дар ҳассостарин нуқтаҳои марзи байни ду кишвар гуруҳи “Ансоруллоҳ”-ро масъули марзбонӣ гузоштаанд, ки аъзо ва тарафдоронаш дар Тоҷикистон бо иттиҳоми терроризм таҳти пайгард ҳастанд.