Аз моҳи декабри соли 2018 дар дафтари Радиои Озодӣ дар Душанбе кор мекунад. Дар гузашта хабарнигори нашрияи "ИмрӯзNews" ва Оҷонси иттилоотии "Озодагон" буд. Хатмкардаи факултаи рӯзноманигории Донишгоҳи миллии Тоҷикистон.
Аз боздошти гурӯҳе аз хабарнигорону блогерони тоҷик, ки баъдан ба иттиҳомҳои тақрибан яксон аз 7 то 21 сол зиндонӣ шуданд, ду сол гузашт.
Ширкати "Тселл", молики замимаи "Чӣ гап", ки муҳоҷирони тоҷик бо истифода аз он бо азизонашон дар Тоҷикистон гап мезананд, ваъда додааст, ки ба зудӣ ин замима дигарбора ба кор медарояд. Муҳоҷирони зиёде ҳар рӯз аз Радиои Озодӣ мепурсанд, ки чаро "Чӣ гап" чанд рӯз аст кор намекунад.
Бахше аз деҳқонон дар Тоҷикистон ба сабаби, ба гуфтаашон, "набудани шароити мусоид" ва "нагирифтани фоида" аз кори кишоварзӣ дур шуда, заминҳоро бе кишт гузоштаанд. Яке аз онҳо Саидҷаъфар Назаров аз хоҷагии Синои ноҳияи Восеъст. Ӯ мушкили молиро далел овард.
Тақрибан 70 дарсади аҳолии Тоҷикистон дар деҳот зиндагӣ мекунад ва дар баробари муҳоҷирати меҳнатӣ, кишоварзӣ як манбаи дигари даромади онҳо ба ҳисоб меравад. Аммо солҳои ахир бахше аз деҳқонон аз кишоварзӣ ба дилсард шудаанд.
Дар ҳоле ки мақомоти Тоҷикистон гузариш ба иқтисоди сабзро барои пешрафти зиндагии мардум ва муҳити зист муҳим арзёбӣ мекунанд, коршиносон бар инанд, ки расидан ба ин ҳадаф барои кишвар чандон осону ҳамвор нахоҳад буд.
Даҳҳо ҳазор хатмкунанда дар Тоҷикистон 31-уми май рӯзи охирини таҳсилро бе "занги охир" ва "хомӯшона" гузаронданд. То ҳашт сол пеш ин сана бо шӯру шавқ таҷлил мешуд.
Чанде аз сокинони Душанбе шикоят доранд, ки миллионҳо сомонии онҳоро зане бо ваъдаи тиҷорат аз худ карда барнагардондааст. Ба қавли ҷабрдидагон, онҳо бо Зулфия Рабиева ном зан тиҷорат доштанд ва дар муддати кутоҳе даҳҳо ҳазор долларашонро аз даст доданд.
Шикояти дастаҷамъонаи гуруҳе аз шаҳрвандон сабаб шуд, ки як зани ба гуфтаи худаш, соҳибкор ба 10 соли зиндон маҳкум гардад.
Дар ҳоле ки нигарониҳо аз афзоиши пайвастани ҷавонон ба гурӯҳҳои ифротӣ бештар садо медиҳад, худи ҷавонон сабабу омилҳои ин равандро гуногун арзёбӣ мекунанд.
Дар ду соли ахир исми ҷавонони тоҷик дар чанд кишвари хориҷӣ бо иттиҳоми даст доштан дар амалҳои террористӣ расонаӣ шуд. Сабабҳои рӯ овардани ҷавонон ба тундгароиро коршиносон фақр, ноогоҳӣ ва таълими нодурустӣ динӣ ва дигар мушкилиҳои иҷтимоӣ медонанд.
Вакилони порлумони Тоҷикистон дар як қонун калимаи “фарзанд”-ро ба вожаи “кӯдак” иваз ва “масъулияти падару модар”-ро аз номи қонун берун карданд.
Дар Тоҷикистон ҷазоро барои бемасъулиятӣ дар таълиму тарбияи кӯдакон сахттар карданд. Вакилони Маҷлиси намояндагон бовар доранд, ки тағийрот дар қонун ба таълиму тарбияи ноболиғон мусоидат хоҳад кард, вале баъзе коршиносон чизи дигар мегӯянд.
Дар ҳоле ки вокуниши мардум ба манъи “идгардак” дар Тоҷикистон яксон нест, дар Кумитаи дин ва Маҷлиси Намояндагон касе ҳозир нашуд сабабҳои ин тасмимро дар рӯ ба рӯйи дурбини Радиои Озодӣ шарҳ диҳад.
Зиёда аз ҳазору дусад минтақа дар Тоҷикистон зери хатари офатҳои табиӣ эълон шуданд. Ба онҳо селу баҳман ё тарма, ярчу сангрез ва фурӯравии замин таҳдид мекунад.
Дафтари озодиҳои шаҳрвандӣ, як созмони ҳомии ҳуқуқи сарбозон, хабар дод, ки муроҷиат ва шикояти мардум аз ҷалби иҷбории ҷавонон ба артиши Тоҷикистон дар даъвати имсолаи баҳорӣ "кам шудааст". Натиҷаи афзоиши ихтиёриён аст ва ё тарсу ҳароси волидон?
Саҳни фурӯдгоҳи Душанбе ин шабу рӯз пуродам аст. Мусофирони зиёдеро дидан мумкин аст, ки ночор аз Русия баргаштаанд. Аниқтараш бо баҳонаву сабабе онҳоро иҷборан аз ин кишвар берун кардаанд.
Баъди ҳамла ба Крокус ва боздошту ихроҷи муҳоҷирони тоҷик шумори хоҳишмандони муҳоҷират ба Русия коҳиш ёфтааст. Масалан, дар Санкт-Петербург шумори тоҷикони корҷӯ 60 фоиз кам шудааст. Радиои Озодӣ дар фурудгоҳи Душанбе бо онҳое сӯҳбат карданд, ки аз Русия баргаштанд ва ё ихроҷ шудаанд.
Раиси ширкати “Даври истиқлол”-ро, ки бо ваъдаи ба Бритониё бурдан аз даҳҳо корҷӯйи тоҷик пул гирифтааст, дастгир кардаанд.
Вазорати корҳои дохилии Тоҷикистон аз боздошти раиси ширкати “Даври истиқлол” хабар дод, ки ба гуфтаи муфаттишон бо ваъдаи таъмини кор дар Бритониё аз даҳҳо нафар пул гирифта, масъулиятро иҷро накардааст. Иброҳим Аҳмадов ба “қаллобӣ” ва “муҳоҷирати ғайриқонунӣ” муттаҳам аст.
Ҷомеашинос Музаффар Олимов гуфт, бояд мақомоту мардуми Тоҷикистон дарк кунанд, ки Русия макони доимии таъмини рӯзгор нест. Ӯ ҷонибдори ёфтани роҳҳои алтернативии муҳоҷират ё ташкили корхонаҳои бузург дар дохили ҷумҳурист. Чизе, ки мақомот солҳо боз ваъда медиҳанд, вале иҷрояш ба кундӣ пеш меравад.
Ёфтҳои бештар
