Сафири нави Ҷумҳурии Исломии Эрон дар Тоҷикистон ба кор шурӯъ кард. Рӯзи 1-уми сентябр раҳбари нави намояндагии дипломатии Эрон дар Душанбе Алиризо Ҳақиқиён нусхаи эътимодномаашро ба вазири корҳои хориҷии Тоҷикистон Сироҷиддин Муҳриддин супурд.
Дар хабари мухтасари вазорати корҳои хориҷии Тоҷикистон дар ин бора гуфта шудааст, ки дар мулоқот ҳамкориҳову дурнамои рушди равобити Тоҷикистон ва Эрон баррасӣ шуд.
Алиризо Ҳақиқиён дар мақоми сафири нави Эрон дар Тоҷикистон Муҳаммадтақии Собириро иваз кард, ки моҳи август маъмурияти дипломатияшро дар ин кишвар ба охир расонид.
Алиризо Ҳақиқиён аз дипломатҳои собиқадори вазорати корҳои хориҷии Эрон буда, яке аз охирин мақомҳояш сардори раёсати умури Авруосиё мебошад. Ҳамчунин дар гузашта дар мақомҳои сафири Эрон дар Покистон, Арманистон ва Ироқ кор карда, дар сафарҳои вазири корҳои хориҷии Эрон ба Русия ӯро ҳамроҳӣ кардааст.
ИНЧУНИН, БИХОНЕД:
Вокуниши Тоҷикистон ба ҳамла ба зиёратгоҳи ШоҳчароғДар Эрон тарҳи сахтгиронаи Қонун дар бораи ҳиҷобро муаррифӣ кардандФалаксарои тоҷик бо овозхони эронӣ таронаи муштарак иҷро кардаандХалиҷи Форс ё Араб? Суоле, ки баъди сафари Эмомалӣ Раҳмон доғ шуд. ВИДЕОНақли Нозанин Мутеӣ аз Эрон дар бораи боздоштгоҳу зиндони Тоҷикистон. ВИДЕО