Аз 13 то 20 май дар Душанбе мусобиқаи қаҳрамонии Созмони футболи Осиёи Марказӣ (CAFA) миёни дастаҳои мунтахаби наврасони то 16-сола баргузор мешавад.
Ба иттилои Федератсияи футболи Тоҷикистон, дар қаҳрамонии CAFA-2022 дастаҳои мунтахаби наврасони то 16-солаи Афғонистон, Қирғизистон, Тоҷикистон, Узбекистон ва Эрон ширкат меварзанд.
Футболбозони навраси тоҷик дар ин мусобиқаи байналмилалӣ 14-уми май бо дастаи Қирғизистон, 16-уми май бо тими Афғонистон, 18-уми май бо мунтахаби Узбекистон ва 20-уми май бо тими Эрон рақобат мекунанд.
Дар доираи қаҳрамонии CAFA-2022 миёни дастаҳои мунтахаби наврасони то 16-сола ҳамагӣ даҳ бозӣ баргузор мешавад. Ҳамаи бозиҳо дар Варзишгоҳи марказии Душанбе барпо мегарданд.
Тибқи дастури мусобиқа, қаҳрамонии CAFA-2022 миёни дастаҳои мунтахаби наврасони то 16-сола аз рӯи системи даврӣ дар як давра баргузор мешавад. Дастаи ғолиб аз рӯи имтиёзҳои бештари ба дастоварда муайян карда мешавад.
Мусобиқаи қаҳрамонии CAFA-2022 миёни дастаҳои мунтахаби наврасони то 16-сола
Иштироккунандагон: Афғонистон, Қирғизистон, Тоҷикистон,Узбекистон, Эрон
Даври 1-ум
13 май (ҷумъа)
18:00 – Узбекистон – Эрон
21:00 – Афғонистон – Қирғизистон
Даври 2-юм
14 май (шанбе)
18:00 – Афғонистон – Узбекистон
21:00 – Қирғизистон – Тоҷикистон
Даври 3-юм
16 май (душанбе)
18:00 – Эрон – Қирғизистон
21:00 – Тоҷикистон – Афғонистон
Даври 4-ум
18 май (чоршанбе)
18:00 – Эрон – Афғонистон
21:00 – Узбекистон – Тоҷикистон
Даври 5-ум
20 май (ҷумъа)
18:00 – Қирғизистон – Узбекистон
21:00 – Тоҷикистон – Эрон
