Се бозии даври ҳафтуми мусобиқаи қаҳрамонии футболи Тоҷикистон миёни дастаҳои лигаи олӣ рӯзи якшанбе, 29-уми апрел, барпо гардид. Дастаҳои «Хуҷанд»-и Хуҷанд, «Кӯктош»-и Рӯдакӣ ва «Хатлон»-и Бохтар бар рақибонашон пирӯз шуданд.
«Хуҷанд» дар майдони худ «Панҷшер»-и Ҷалолиддини Балхиро бо ҳисоби бузурги 4:0 шикаст дод. Ду голи “Хуҷанд”-ро Ҷаҳонгир Эргашев ба самар расонд. Дилшод Бозоров ва Фарҳод Тоҳиров якголӣ заданд.
“Кӯктош” бар дастаи мизбон - «Барқчӣ»-и Ҳисор - бо ҳисоби 3:2 ғолиб омад. Се голи Нодирбек Иброҳимов, Абдурасул Раҳмонов ва Муҳаммадшарифи Саидхоҷа ба “Кӯктош” се имтиёз овард.Аввалин голи «Барқчӣ»-ро дар мусобиқаи имсола Саидмухтор Азимов зад. Голи дувумро Атҳамҷон Абдуллоев ба ҳадаф расонд. Зимнан, ин бохти панҷуми “Барқчӣ” ба шумор меравад.
Дар бозии дигар «Хатлон» дар шаҳри Турсунзода бар «Регар-ТадАЗ» бо ҳисоби 3:1 ғолиб омад. Ҳамлагари “Хатлон” Наврӯз Рустамов, беҳтарин нишонзани мусобиқа, дар дақиқаи 17-ум ҳисобро боз кард. Дар ибтидои нимаи дувум Доробҷон Эргашев, бозигари «Регар-ТадАЗ», ҳисобро баробар намуд. Дар дақиқаи 80-ум Далер Шомуродов, бозигари меҳмонон, аз пеналтӣ ҳисобро афзун кард. Голи севуми “Хатлон”-ро Кароматулло Саидов ба ҳадаф расонд.
Бояд гуфт, ки сардовари ин бозӣ Сайёдҷон Зайниддинов дар дақиқаи 51-ум ду бозигар - Акбар Бобомуродов («Регар-ТадАЗ») ва Наврӯз Рустамовро («Хатлон») - барои таҳқири рақиб аз майдон хориҷ намуд.
Боз як бозии даври ҳафтуми мусобиқаи қаҳрамонии Тоҷикистон миёни ду дастаи Душанбе - «Истиқлол» ва ССКА «Помир» - дар Рӯзи Ғалаба – 9-уми май – баргузор мешавад. Дар ҳамин ҳол дар ҷадвали мусобиқаи лигаи олӣ дастаҳои “Хуҷанд” ва “Истиқлол” бо 13-имтиёзӣ пешсафанд.
Мусобиқаи қаҳрамонии Тоҷикистон. Лигаи олӣ. Даври 7-ум
«Хуҷанд» – «Панҷшер» – 4:0
Голҳо: Дилшод Бозоров, 19 (1:0). Фарҳод Тоҳиров, 58 (2:0). Ҷаҳонгир Эргашев, 73 (3:0). Ҷаҳонгир Эргашев, 77 (4:0).
Беҳтарин бозигари ин дидор: Ҷаҳонгир Эргашев («Хуҷанд»).
Сардовар: Насрулло Кабиров (Норак).
29 апрел. Хуҷанд. Варзишгоҳи «20-солагии Истиқлолияти Тоҷикистон». 1300 тамошобин.
«Барқчӣ» – «Кӯктош» – 2:3
Голҳо: Нодирбек Иброҳимов, 25 (0:1). Саидмухтор Азимов, 38 (1:1). Абдурасул Раҳмонов, 43 (1:2). Атҳамҷон Абдуллоев, 50 (2:2). Муҳаммадшарифи Саидхоҷа, 73 (2:3).
Беҳтарин бозигари ин дидор: Идан Окран («Кӯктош»).
Сардовар: Гулмуроди Саъдулло (Душанбе).
29 апрел. Ҳисор. Варзишгоҳи марказӣ. 800 тамошобин.
«Регар-ТадАЗ» – «Хатлон» – 1:3
Голҳо: Наврӯз Рустамов, 17 (0:1). Доробҷон Эргашев, 46 (1:1). Далер Шомуродов, 80 – аз пеналтӣ (1:2). Кароматулло Саидов, 89 (1:3).
Беҳтарин бозигари ин дидор: Кароматулло Саидов («Хатлон»).
Аз майдон хориҷ шуданд: Акбар Бобомуродов («Регар-ТадАЗ»), 51 – барои таҳқири рақиб, Наврӯз Рустамов («Хатлон»), 51 – барои таҳқири рақиб.
Сардовар: Сайёдҷон Зайниддинов (Душанбе).
29 апрел. Турсунзода. Варзишгоҳи «ТАЛКО-Арена». 1100 тамошобин.
Мавқеи дастаҳо дар ҷадвали мусобиқа
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Хуҷанд» (Хуҷанд) |
6 |
4 |
1 |
1 |
12-6 |
13 |
|
2 |
«Истиқлол» (Душанбе) |
5 |
4 |
1 |
0 |
8-2 |
13 |
|
3 |
«Хатлон» (Бохтар) |
7 |
3 |
1 |
3 |
9-9 |
10 |
|
4 |
«Кӯктош» (Рӯдакӣ) |
6 |
2 |
3 |
1 |
7-7 |
9 |
|
5 |
ССКА «Помир» (Душанбе) |
6 |
2 |
3 |
1 |
7-8 |
9 |
|
6 |
«Регар-ТадАЗ» (Турсунзода) |
7 |
2 |
2 |
3 |
10-9 |
8 |
|
7 |
«Панҷшер» (Ҷалолиддини Балхӣ) |
7 |
1 |
2 |
4 |
5-11 |
5 |
|
8 |
«Барқчӣ» (Ҳисор) |
6 |
0 |
1 |
5 |
2-8 |
1 |
Нишонзанҳо: Наврӯз Рустамов («Хатлон») – 5 тӯб, Шериддин Бобоев («Истиқлол»), Ҷаҳонгир Эргашев («Хуҷанд») – 3-тӯбӣ.
Тақвими бозиҳои рӯзҳои наздик:
Бозии даври 2-юм
6 май (якшанбе)
«Истиқлол» – «Барқчӣ»
Бозии даври 6-ум
6 май (якшанбе)
«Кӯктош» – «Хуҷанд»
Бозии даври 7-ум
9 май (чоршанбе)
«Истиқлол» – ССКА «Помир»
Даври 8-ум
12 май (шанбе)
Оғози бозиҳо– соати 17:00
«Кӯктош» – «Барқчӣ»
«Панҷшер» – «Хуҷанд»
13 май (якшанбе)
Оғози бозӣ – соати 17:00
«Хатлон» – «Регар-ТадАЗ»
