Машъали олимпӣ ба Пхенян, пойтахти Кореяи Шимолӣ расид. Масъулони ин кишвар мегӯянд, садҳо ҳазор нафар дар масири 20-километрии ҳаракати он ҷамъ омаданд, то ба эътирозҳои зиддичиноии тарафдорони Тибет эътироз кунанд. Ҳукумати коммунисти Кореяи Шимолӣ аз тазоҳуроти зиддичиноӣ дар кишварҳои дигар интиқод кард. Пештар, дар Сеул, пойтахти Кореяи Ҷанубӣ тарафдорони Чин майдони марказии шаҳрро ба дарёи парчамҳои сурхи Чин табдил доданд.