Як манбаъ аз мақомоти тафтишотии Кӯлоб 7-уми январ ба Радиои Озодӣ гуфт, мошини "Шкода"-ро ба ташхис фиристодаанд ва натиҷаи онро мунтазиранд.
Дар Бемористони вилоятии Кӯлоб гуфтанд, ки пойи рости раиси ҳизб шикастааст ва феълан саломатиаш хуб аст. Аммо пизишкон нагуфтанд, ки раиси ҳизб дар бемористон аст ё ӯро ба хона ҷавоб додаанд.
Муфаттишон аз соҳибони дӯконҳои наздик ба макони ҳодиса, сабти дурбинҳои назоратиро талаб кардаанд.
"Ҳозир мошини “Шкода” дар додситони шаҳри Кӯлоб нигоҳ дошта мешавад. Мошин аз қисмати пеш осеб дидааст. Тафтишот дар ин самт рафта истодааст ва дақиқ хоҳад шуд, ки чӣ ҳодиса рух додааст,"--гуфт манбаъ.
Ҳамсуҳбати мо аз ин пештар ҷузъиёт надод. Масъулони ҲХДТ дар шаҳри Кӯлоб низ аз шарҳи ҳодиса худдорӣ карданд.
Ин бори аввал нест, ки мошинҳои мақомдорон дар вилояти Хатлон оташ мегирад. Шаби 26 ва 27-уми декабри 2023 мошини Бобоҷон Давлатзода, раиси дафтари "Амонатбонк" дар ноҳияи Восеъ оташ гирифт ва ҳанӯз мақомот сабаби онро шарҳ надодаанд. Ҳарчанд Давлатзода сабаби ҳодисаро мушкили техникии мошин гуфт.
Моҳи феврали 2023 мошини хизматии Ҷумъаназар Сайидаҳамадзода, ҳамонвақта додситони ноҳияи Восеъро дар шаҳри Кӯлоб оташ заданд. Юсуф Раҳмон, додситони кулли Тоҷикистон оташ задани мошини додситони ноҳияи Восеъро "амали қасдгирӣ" номид. Мақомот як сокини 50-солаи Кӯлобро бо иттиҳоми оташ задани мошини додситон боздошт карданд. Ҷумъаназар Сайидаҳамадзода чор моҳ баъд аз ҳодиса аз вазифаи додситонии ноҳияи Восеъ барканор шуд.
ИНЧУНИН, БИХОНЕД:
Мошини мудири "Амонатбонк" дар ноҳияи Восеъ худаш сӯхт ё касе сӯзонд? ВИДЕОДодситоне, ки мошинашро дар Кӯлоб оташ заданд, аз вазифа барканор шудЮсуф Раҳмон оташ задани мошини додситони Восеъро "қасдгирӣ" номид