Як созмони ҳомии ҳуқуқи инсон мегӯяд, давлати Чин дар саросари ҷаҳон беш аз сад “дафтари полис” боз кардааст, ки вазифаашон назорат, азият ва ҳатто интиқоли шаҳрванди Чин аз хориҷа ба ватан мебошад. “Ҳомиёни амният” – як созмони ҷамъиятии ҳомии ҳуқуқи инсон, ки қароргоҳаш дар шаҳри Мадриди Испания мебошад, бо нашри як гузорише рӯзи 4 декабр иддао кардааст, ки дар хориҷи Чин ба иловаи 54 “идораи полис”-и моҳи сентябр ошкоршуда, боз иловатан 48 идораи дигар сабт шудааст.
Ба навиштаи ин гузориш, идораҳои полис бар асоси созишномаҳои дуҷонибаи амниятӣ бо бархе кишварҳои аврупоии мисли Хорватия, Итолиё, Сербия, Руминия ва ҳамчунин Африқо таъсис шудаанд. Пекини расмӣ ин иттиҳомҳоро рад мекунад. Дар як сӯҳбаташ бо CNN намояндаи Вазорати корҳои хориҷии Чин моҳи ноябр гуфт, “умедворем, ҷонибҳои марбута корҳоеро, ки ба афзоиши таниш равона шудаанд, хотима медиҳанд”.
Ҳукумати Чин барои маҳдуд кардани озодиҳои шаҳрвандон, аз ҷумла, ҳуқуқи мусалмонҳову уйғурҳо сахт танқид мешавад.
ИНЧУНИН, БИХОНЕД:
Дар Чин баъди эътирозҳо маҳдудиятҳои марбут ба КОВИД-ро кам кардандБунёдгузори Alibaba дар пайи фишорҳо Чинро тарк кардСобиқ раҳбари Чин Дзян Дземин даргузашт$57 миллион. Созиши нави Тоҷикистон бо як ширкати чинӣИдомаи эътирозҳо ва шиорҳои зидди Ҳизби коммунисту Ҷинпин дар Чин. ВИДЕО