Изҳороти раиси Кӯлоб дар бораи қарзҳои ширкати писари Бег Сабур
Браузери шумо HTML5-ро намешиносад
Мақомоти Кӯлоб гуфтанд, ки ширкати сохтмонии "Комил 2010" дар ин шаҳр беш аз 4 миллион сомонӣ (тақрибан 400 ҳазор доллар) андози напардохта дорад. Ширкат ба писари Бег Сабур, раиси Хадамоти алоқа ва қудои президенти Тоҷикистон, мутааллиқ аст. Намояндагони "Комил 2010" дар суҳбати кӯтоҳ қарздорӣ аз идораи андози Кӯлобро тасдиқ карда, аммо гуфтанд, "ҷойи нигаронӣ нест, пулро медиҳанд". Ин ширкат дар Душанбе ва шаҳри Кӯлоб чанд бинои маъмурӣ ва истиқоматӣ месозад.