Додрас сухани қазоқистониро намоиши рамзи ифротгароӣ донист.
Ба иттилои "Медиазона", шаҳрванди Қазоқистон 4-уми июн барои дашном додан боздошт ва ба шуъбаи пулис бурда шуда буд. Ӯ дар шуъбаи пулис, фарёд задааст, ки "Шараф ба Украина".
Вайро нахуст барои дашном додан дар ҷойи иҷтимоӣ 500 рубли русӣ ҷарима баста, барои "Шараф бар Украина" гуфтан 13 шабонарӯз ҳабси маъмурӣ кардаанд. Додрас гуфтааст, "Шараф бар Украина" шиори созмони ифротгарои Ассамблеяи миллии Украина - "Дифоъ аз мардуми Украина ва "Ҷабҳаи рост" мебошад.
Хохлов "гуноҳ"-и худро эътироф карда, гуфтааст, замони "Шараф бар Украина" гуфтан маст буд.
