Ин бозии гурӯҳи “С” шаби сешанбеи 5-уми ноябр дар пойтахти Урдун – шаҳри Уммон – соати 21:00 бо вақти Душанбе оғоз меёбад.
Ба иттилои Федератсияи футболи Тоҷикистон, дастаи “Истиқлол” ба бозӣ муқобили тими “Ал-Ваҳдат” омодагӣ мебинад.
Ёдовар мешавем, “Истиқлол” дар даври сеюми Лигаи дуюми қаҳрамонҳои AFC-2024/25 аз тими «Ал-Ваҳдат» бо ҳисоби 0:1 шикаст хӯрда буд. Ин бозӣ 22-юми октябр дар Варзишгоҳи марказии Душанбе баргузор шуд. Голи ягонаро Баҳа Файсал Сайф дар дақиқаи 52-юм ба самар расонд.
“Ал-Ваҳдат” бо роҳбарии сармураббӣ Рафъат Алӣ Аҳмад Ҷаббор дар меҳмонӣ се имтиёз гирифт ва муборизаро барои роҳ ёфтан ба даври баъдии мусобиқот идома медиҳад.
Аммо “Истиқлол” зери раҳбарии сармураббӣ Игор Черевченко дар майдони худ аз имтиёзҳо бенасиб монд ва шонси ба даври баъдӣ баромаданро амалан аз даст додааст.
Ҳамзамон дар бозии дигари даври сеюми мусобиқот дар гурӯҳи “С” дастаи “Шарҷа”-и Имороти Муттаҳидаи Арабӣ дар майдони худ тими “Сипоҳон”-и Эронро бо ҳисоби 3:1 мағлуб карда буд.
Баъди натиҷагирии се даври мусобиқот дар ҷадвали гурӯҳи “С” дастаҳои “Шарҷа” ва “Ал-Ваҳдат” бо ҳафтимтиёзӣ мутаносибан ҷойҳои якуму дуюмро соҳиб шудаанд. “Сипоҳон” бо се имтиёз дар зинаи сеюм қарор дорад. “Истиқлол” бидуни имтиёз дар зинаи охирин – чаҳорум - ҷойгир шудааст.
“Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа” бо ҳисоби 0:1 ва дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон» бо ҳисоби 0:4 шикаст хӯрда буд.
Бозии дигари даври чаҳоруми мусобиқот дар гурӯҳи “С” рӯзи сешанбеи 5-уми ноябр миёни дастаҳои “Сипоҳон - “Шарҷа” доир мешавад. Ин бозӣ ҳам соати 21:00 бо вақти Душанбе оғоз меёбад.
Лигаи дуюми қаҳрамонҳои AFC-2024/25
Гурӯҳи “С”
Даври аввал
«Истиқлол» - «Шарҷа» - 0:1
Гол: Муҳаммад Фирас Бен Арбӣ, 72
17-уми сентябр. Душанбе. Варзишгоҳи марказии ҷумҳуриявӣ. 10250 тамошобин.
“Ал-Ваҳдат” – “Сипоҳон” – 2:1
Голҳо: Ваҳдат Ҳанонов, 9 (0:1), Гюэй Оуссейноу, 22 (1:1), Иброҳим Сабра, 55 (2:1).
17-уми сентябр. Уммон (Урдун). Варзишгоҳи “Шоҳ Абдулло II ”.
Даври дуюм
«Сипоҳон» - «Истиқлол» - 4:0
Голҳо: Абубакар Камара, 40 (1:0). Ҷавод Оғоипур, 43 (2:0). Ҷавод Оғоипур, 47 (3:0). Браян Дабо, 76 (4:0).
1-уми октябр. Исфаҳон (Эрон). Варзишгоҳи «Фулодшаҳр». 6733 тамошобин.
“Шарҷа” – “Ал-Ваҳдат” – 2:2
Голҳо: Алкасер Пако, 9 (1:0), Гюэй
Оуссейноу, 28 (1:1), Гюэй Оуссейноу, 28 (1:2), Неҷасмик Дарко, 66 (2:2).
1-уми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Даври сеюм
“Истиқлол” - “Ал-Ваҳдат” – 0:1
Гол: Баҳа Файсал Сайф, 52 (0:1)
22-юми октябр. Душанбе, Варзишгоҳи марказии ҷумҳуриявӣ, 6745 тамошобин
“Шарҷа” – “Сипоҳон” – 3:1
Голҳо: Усмон Камара, 26 (1:0), Меҳдӣ Лимучӣ, 51 (1:1), Луанзинҳо, 70 (2:1), Кайо Лукас, 90 (3:1).
22-юми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Мавқеи дастаҳо дар ҷадвали гурӯҳи “С”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Шарҷа” |
3 |
2 |
1 |
0 |
6-3 |
7 |
|
2 |
“Ал-Ваҳдат” |
3 |
2 |
1 |
0 |
5-3 |
7 |
|
3 |
“Сипоҳон” |
3 |
1 |
0 |
2 |
6-5 |
3 |
|
4 |
“Истиқлол” |
3 |
0 |
0 |
3 |
0-6 |
0 |
Даври чаҳорум
5-уми ноябр (сешанбе)
21:00 (бо вақти Душанбе) - “Сипоҳон” – “Шарҷа”
21:00 (бо вақти Душанбе) - “Ал-Ваҳдат” – “Истиқлол”
