Ин бозии гурӯҳи “С” шаби сешанбеи 5-уми ноябр дар Варзишгоҳи байнулмилалии шаҳри Уммон доир гардид. Голи ягонаро Сезар Гуйе, бозигари мизбонон, дар нимаи дуюми дидор, дар дақиқаи 76-ум, ба самар расонд.
“Истиқлол” дар даври сеюми Лигаи дуюми қаҳрамонҳои AFC-2024/25 низ аз тими «Ал-Ваҳдат» бо ҳисоби 0:1 шикаст хӯрда буд. Ин бозӣ 22-юми октябр дар Варзишгоҳи марказии Душанбе баргузор шуд. Голро Баҳа Файсал Сайф дар дақиқаи 52-юм зад.
“Ал-Ваҳдат” бо роҳбарии сармураббӣ Рафъат Алӣ Аҳмад Ҷаббор дар ду бозӣ муқобили “Истиқлол” шаш имтиёз гирифт ва муборизаро барои роҳ ёфтан ба даври баъдии мусобиқот идома медиҳад.
Аммо “Истиқлол” зери раҳбарии сармураббӣ Игор Черевченко дар ду бозӣ бо “Ал-Ваҳдат” аз шаш имтиёз бенасиб монд ва шонси ба даври баъдӣ баромаданро комилан аз даст дод.
Дар бозии дигари даври чаҳруми мусобиқот дар гурӯҳи “С” тими “Сипоҳон”-и Эрон дастаи “Шарҷа”-и Имороти Муттаҳидаи Арабиро бо ҳисоби 3:1 мағлуб кард. Ин бозӣ 5-уми ноябр дар варзишгоҳи Ҳамад Бин Халифаи шаҳри Доҳаи Қатар баргузор шуд. Голҳои тими “Сипоҳон”-ро Амин Ҳазбавӣ (12), Ариа Юсуфӣ (45+3) ва Ҷавод Оғойипур (90+1) ба самар расонданд. Як голи “Шарҷа”-ро Луанзинҳо (61) зад.
Баъди натиҷагирии чаҳор даври мусобиқот дар ҷадвали гурӯҳи “С” дастаи “Ал-Ваҳдат” бо 10 имтиёз мақоми аввалро касб кардааст. “Шарҷа” бо 7 имтиёз зинаи дуюмро соҳиб шудааст. “Сипоҳон” бо 6 имтиёз дар зинаи сеюм қарор дорад.
“Истиқлол” бидуни имтиёз дар зинаи охирин – чаҳорум - ҷойгир шуда, дар чаҳор бозӣ ягон гол назадааст ва аз дарвозаи худ ҳафт тӯб сар додааст.
Қаблан “Истиқлол” дар нахустин бозиаш дар Лигаи дуюми қаҳрамонҳои AFC-2024/25 дар майдони худ аз тими “Шарҷа” бо ҳисоби 0:1, дар даври дуюми мусобиқот дар варзишгоҳи «Фулодшаҳр»-и Исфаҳон аз тими «Сипоҳон» бо ҳисоби 0:4 ва дар даври сеюм аз тими “Ал-Ваҳдат” дар Душанбе бо ҳисоби 0:1 шикаст хӯрда буд.
Бозиҳои даври панҷуми мусобиқот дар гурӯҳи “С” рӯзи сешанбеи 26-уми ноябр миёни дастаҳои “Шарҷа” – “Истиқлол” ва “Сипоҳон” – “Ал-Ваҳдат” доир мешаванд. Ҳарду бозӣ соати 19:00 бо вақти Душанбе оғоз меёбад.
Лигаи дуюми қаҳрамонҳои AFC-2024/25
Гурӯҳи “С”
Даври аввал
«Истиқлол» - «Шарҷа» - 0:1
Гол: Муҳаммад Фирас Бен Арбӣ, 72
17-уми сентябр. Душанбе. Варзишгоҳи марказии ҷумҳуриявӣ. 10250 тамошобин.
“Ал-Ваҳдат” – “Сипоҳон” – 2:1
Голҳо: Ваҳдат Ҳанонов, 9 (0:1), Гюэй Оуссейноу, 22 (1:1), Иброҳим Сабра, 55 (2:1).
17-уми сентябр. Уммон (Урдун). Варзишгоҳи “Шоҳ Абдулло II ”.
Даври дуюм
«Сипоҳон» - «Истиқлол» - 4:0
Голҳо: Абубакар Камара, 40 (1:0). Ҷавод Оғоипур, 43 (2:0). Ҷавод Оғоипур, 47 (3:0). Браян Дабо, 76 (4:0).
1-уми октябр. Исфаҳон (Эрон). Варзишгоҳи «Фулодшаҳр». 6733 тамошобин.
“Шарҷа” – “Ал-Ваҳдат” – 2:2
Голҳо: Алкасер Пако, 9 (1:0), Гюэй
Оуссейноу, 28 (1:1), Гюэй Оуссейноу, 28 (1:2), Неҷасмик Дарко, 66 (2:2).
1-уми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Даври сеюм
“Истиқлол” - “Ал-Ваҳдат” – 0:1
Гол: Баҳа Файсал Сайф, 52 (0:1)
22-юми октябр. Душанбе, Варзишгоҳи марказии ҷумҳуриявӣ, 6745 тамошобин
“Шарҷа” – “Сипоҳон” – 3:1
Голҳо: Усмон Камара, 26 (1:0), Меҳдӣ Лимучӣ, 51 (1:1), Луанзинҳо, 70 (2:1), Кайо Лукас, 90 (3:1).
22-юми октябр. Шарҷа (Имороти Муттаҳидаи Арабӣ). Варзишгоҳи Халид Бин Муҳаммад.
Даври чаҳорум
“Ал-Ваҳдат” – “Истиқлол” – 1:0
Гол: Сезар Гуйе, 76
"Истиқлол": Никола Стошич, Содиқҷон Қурбонов, Алексей Ларин, Кейта Сузуки, Дарко Илиески (Ҳамадонӣ Камолов, 85), Мэтю Миллар (Табрез Исломов, 66), Амирбек Ҷурабоев, Эҳсон Панҷшанбе, Алишер Ҷалилов, Рустам Соиров (Манучеҳр Ҷалилов, 66), Шервонӣ Мабатшоев (Димитар Митков, 89).
Беҳтарин бозигари дидор: Сезар Гуйе ("Ал-Ваҳдат").
Корти зард: Муҳанад Семрен, Мустафо Камол, Муҳаммад Абу Ал-Ҷазр, Сезар Гуйе, Алан Аконо, Рафъат Алӣ Ҷаббор ("Ал-Ваҳдат"), Эҳсон Панҷшанбе ("Истиқлол").
Сардовар: Маҷид Ал-Шамронӣ (Арабистони Саудӣ).
Нозири доварон: Ясир Халил (Баҳрайн).
Комиссари бозӣ: Акшай Роҳатҷӣ (Ҳиндустон).
5-уми ноябр. Варзишгоҳи байнулмилалии Уммон. 1124 тамошобин.
“Сипоҳон” – “Шарҷа” – 3:1
Голҳо: Амин Ҳазбавӣ, 12 (1:0), Ариа Юсуфӣ, 45+3 (2:0), Луанзинҳо, 61 (2:1), Ҷавод Оғойипур, 90+1 (3:1).
5-уми ноябр. Доҳа (Қатар). Варзишгоҳи Ҳамад Бин Халифа
Мавқеи дастаҳо дар ҷадвали гурӯҳи “С”
|
Ҷ |
Дастаҳо |
Б |
Ғ |
М |
Б |
Т |
И |
|
1 |
“Ал-Ваҳдат” |
4 |
3 |
1 |
0 |
6-3 |
10 |
|
2 |
“Шарҷа” |
4 |
2 |
1 |
1 |
7-6 |
7 |
|
3 |
“Сипоҳон” |
4 |
2 |
0 |
2 |
9-6 |
6 |
|
4 |
“Истиқлол” |
4 |
0 |
0 |
4 |
0-7 |
0 |
Даври панҷум
26-уми ноябр (сешанбе)
19:00 (бо вақти Душанбе) “Шарҷа” – “Истиқлол”
Шарҷа (Имороти Муттаҳидаи Арабӣ), Варзишгоҳи Шарҷа
19:00 (бо вақти Душанбе) “Сипоҳон” – “Ал-Ваҳдат”
Исфаҳон (Эрон), варзишгоҳи “Фулодшаҳр”
Даври шашум
3-юми декабр (сешанбе)
19:00 - “Истиқлол” – “Сипоҳон”
Душанбе (Тоҷикистон), Варзишгоҳи марказии ҷумҳуриявӣ
19:00 (бо вақти Душанбе) “Ал-Ваҳдат” – “Шарҷа”
Уммон (Урдун). Варзишгоҳи байнулмилалӣ
