Дар ин бора мақомоти тандурустии фаластинӣ хабар дод. Дар миёни қурбониёни урдугоҳҳои паноҳҷӯёни “Нусейрат” ва “Бурейҷ” се кӯдак ва як зан мебошанд, гуфт хадамоти кӯмаки изтирории тиббии Фаластин.
Дар паи ҳамлаи “Ҳамос” ба Исроил дар таърихи 7-уми октябри порсол Исроил зидди ин гурӯҳ ҷанг эълон кард ва то имрӯз, ба иттилои вазорати беҳдошти Ғазза, 38900 сокини он кушта шудаанд.
Интиқодҳои байналмилалӣ аз Исроил барои идомаи оташи ҷанг ва марги афзояндаи сокинони мулкии Ғазза кам намешавад.
