Голҳои мунтахаби Англияро Ҳарри Кейн дар дақиқаи 18-ум аз пеналти ё ҷаримаи 11-метрӣ ва Олли Уоткинс (90+1) заданд. Голи ҳолландиҳоро Ҳави Симонс дар дақиқаи 7-ум ба самар расонид.
Мунтахаби Англия бори дувум пайиҳам дар финали қаҳрамонии Аврупо иштирок мекунад. Дар мусобиқоти пешин инглисҳо дар бозии ниҳоӣ аз мунтахаби Италия аз рӯи силсилаи пеналти мағлуб шуда, барандаи медалҳои нуқра гардида буданд.
Дар финали қаҳрамонии Аврупо-2024 мунтахаби Англия бо тими миллии Испания, ки дар даври ниманиҳоӣ рӯзи сешанбе мунтахаби Фаронсаро бо ҳисоби 2:1 шикаст дод, рақобат мекунад.
Бозии ниҳоии мусобиқоти қаҳрамонии Аврупо-2024 рӯзи якшанбеи 14-уми июл дар варзишгоҳи Олимпии шаҳри Берлин баргузор мешавад.
Мунтахаби Испания дар қаҳрамонии Аврупо се маротиба (1964, 2008, 2012) медалҳои тилло ва як бор (1984) медалҳои нуқра ба даст овардааст. Мунтахаби Англия бошад, як маротиба медалҳои нуқра (2020) ва ду бор (1968, 1996) медалҳои биринҷӣ гирифтааст.
Дастаҳои мунтахаби Фаронса ва Нидерланд соҳиби медалҳои биринҷии мусобиқоти қаҳрамонии Аврупо-2024 гардиданд.
Дастаҳои мунтахаби Италия, Дания, Словакия, Гурҷистон, Белгия, Словения, Руминия, Австрия, Олмон, Португалия, Швейтсария, Туркия, Фаронса ва Нидерланд, ки дар плей-офф ноком шуданд, аз ҳаққи идомаи мубориза маҳрум гаштанд.
Нишонзанҳои қаҳрамонии Аврупо-2024:
Коди Гакпо (Нидерланд) – 3 гол
Ҷамол Мусиала (Олмон) – 3 гол
Даниэл Олмо (Испания) – 3 гол
Иван Шранс (Словакия) – 3 гол
Ҳарри Кейн (Англия) – 3 гол (1 – аз пеналти)
Жорж Микаутадзе (Гурҷистон) – 3 гол (2 – аз пеналти)
Ҷуд Беллингем (Англия) – 2 гол
Флориан Виртс (Олмон) – 2 гол
Мерих Демирал – 2 гол
Мален Дониелл (Нидерланд) – 2 гол
Руис Фабиан (Испания) – 2 гол
Никлас Фюллкруг (Олмон) – 2 гол
Брел Эмболо (Швейтсария) – 2 гол
Рэзван Марин (Руминия) – 2 гол (1 – аз пеналти)
Кай Ҳавертс (Олмон) – 2 гол (2 – аз пеналти)
1/8 финал
Швейтсария — Италия – 2:0
Олмон — Дания – 2:0
Англия — Словакия – 2:1
Испания — Гурҷистон – 4:1
Фаронса — Белгия – 1:0
Португалия — Словения – 0:0 (аз рӯи силсилаи пеналти - 3:0)
Руминия —Нидерланд (Ҳолланд) – 0:1
Австрия — Туркия – 1:2
1/4 финал
Испания – Олмон – 2:1
Португалия – Фаронса – 0:0 (аз рӯи силсилаи пеналти - 3:5)
Англия – Швейтсария – 1:1 (аз рӯи силсилаи пеналти – 5:3)
Нидерланд – Туркия – 2:1
1/2 финал
Испания – Фаронса – 2:1
Англия – Нидерланд – 2:1
14-уми июл (якшанбе)
ФИНАЛ
Испания – Англия, 23:45 (бо вақти Душанбе).
