Дар шаҳри Дюсселдорф дастаҳои мунтахаби Фаронса ва Белгия рақобат карданд. Бозӣ бо ҳисоби 1:0 ба суди фаронсавиҳо хотима ёфт.
Дар дақиқаи 85‑ум ҳимоятгари белгиягиҳо Ян Вертонген.тӯбро ба дарвозаи дастааш зад.
Дар бозии дигари ҳаштякфинал, ки дар шаҳри Франкфурт сурат гирифт, тимҳои миллии Португалия ва Словения вориди рақобат шуданд.
Замони асосии дидор бо ҳисоби 0:0 ба поён расид. Дар замони изофа ҳамлагар Криштиану Роналду, капитан ё сарвони португалиҳо, дар дақиқаи 105-ум тӯбро аз пеналти ё ҷаримаи ёздаҳметрӣ ба нишон нарасонд.
Аз рӯи силсилаи пеналти мунтахаби Португалия бо ҳисоби 3:0 пирӯз шуд. Ин дафъа Роналду тӯбро аз пеналти вориди дарвоза кард. Дарвозабони португалиҳо Диогу Кошта, ки се зарбаи словениҳоро баргардонд, қаҳрамони ин бозӣ гардид.
Дар чорякфинал мунтахаби Португалия бо дастаи Фаронса рақобат мекунад. Ин бозӣ 5-уми июл дар Ҳамбург доир мегардад.
Қаблан дастаҳои мунтахаби Швейтсария ва Олмон ба даври чорякниҳоӣ роҳ ёфта буданд. Швейтсариҳо ба қаҳрамони феълии Аврупо – Италия ва олмониҳо ба Дания бо ҳисоби якхелаи 2:0 пирӯз шуданд.
Дар чорякфинал мунтахаби Испания бо Олмон (5-уми июл) ва Англия бо Швейтсария (6-уми июл) қувва меозмоянд.
Дастаҳои мунтахаби Италия, Дания, Словакия, Гурҷистон, Белгия ва Словения, ки дар чорякфинал ноком шуданд, аз ҳаққи идомаи мубориза маҳрум гаштанд.
Дар марҳилаи гурӯҳии қаҳрамонии футболи Аврупо дар Олмон 24 тими миллӣ иштирок кард. Дастаҳо ба шаш гурӯҳ тақсим шуда буданд. Ду дастаи беҳтарин аз ҳар гурӯҳ, инчунин чаҳор дастаи нишондҳояшон хубтари ҷойҳои севум ба даври 1/8-ниҳоӣ роҳ ёфтанд.
Олмон ва Швейтсария аз гурӯҳи А, Испания ва Италия аз гурӯҳи В, Англия, Дания ва Словения аз гурӯҳи С, Австрия, Фаронса ва Ҳолланд аз гурӯҳи D, Руминия, Белгия ва Словакия аз гурӯҳи Е, Португалия, Туркия, Гурҷистон аз гурӯҳи F - ба плей-офф баромаданд.
Даври 1/8-ниҳоии қаҳрамонии Аврупо дар Олмон, ки 29-уми июн шуруъ шуд, 2-юми июл бо ду бозӣ байни дастаҳои мунтахаби Руминия - Нидерланд (Ҳолланд) ва Австрия - Туркия ба поён мерасад.
Бозии ниҳоии қаҳрамонии футболи Аврупо-2024 дар Олмон 14-уми июл дар шаҳри Берлин доир мегардад.
Нишонзанҳои қаҳрамонии Аврупо-2024:
Ҷамол Мусиала (Олмон) – 3 гол
Иван Шранс (Словакия) – 3 гол
Жорж Микаутадзе (Гурҷистон) – 3 гол (2 – аз пеналти)
Ҷуд Беллингем (Англия) – 2 гол
Коди Гакпо (Нидерланд) – 2 гол
Кейн Ҳарри (Англия) – 2 гол
Руис Фабиан (Испания) – 2 гол
Никлас Фюллкруг (Олмон) – 2 гол
Марин Рэзван (Руминия) – 2 гол (1 – аз пеналти)
Кай Ҳаверс (Олмон) – 2 гол (2 – аз пеналти)
Қаҳрамонии Аврупо-2024
1/8 финал
Швейтсария — Италия – 2:0
Олмон — Дания – 2:0
Англия — Словакия – 2:1
Испания — Гурҷистон – 4:1
Фаронса — Белгия – 1:0
Португалия — Словения – 0:0 (аз рӯи силсилаи пеналти - 3:0)
Руминия —Нидерланд (Ҳолланд). 2 июл, 20:45
Австрия — Туркия. 2 июл, 23:45
5 июл, ҷумъа:
1/4 финал, Испания – Олмон, 20:45
1/4 финал, Португалия – Фаронса, 23:45
6 июл, шанбе:
1/4 финал, Англия – Швейтсария, 20:45
1/4 финал, 23:45
9 июл, сешанбе:
1/2 финал, 23:45
10 июл, чоршанбе:
1/2 финал, 23:45
14 июл, якшанбе:
Финал, 23:45
Эзоҳ: замони оғози бозиҳо бо вақти Душанбест.
