Бозиҳои даври сеюми Ҷоми ҷаҳонии футбол-2022 дар Қатар дар гурӯҳҳои G ва H, ки дуюми декабр баргузор шуданд, ду дастаи охирини ширкаткунандаи даври ҳаштякниҳоии мусобиқотро маълум карданд. Инҳо тимҳои миллии Швейтсария ва Кореяи Ҷанубӣ мебошанд. Ҳамин тариқ, ҳамаи 16 дастае, ки ба плей-офф баромад, маълум шуд.
Нахуст ду бозии гурӯҳи Н миёни дастаҳои мунтахаби Ғана - Уругвай ва Кореяи Ҷанубӣ - Португалия доир гардид. Уругвай Ғанаро бо ҳисоби 2:0 мағлуб кард, аммо аз ин натиҷа на уругвайиҳо ва на ғанагиҳо хушҳол нашуданд, зеро ки онҳо мусобиқотро тарк мекунанд. Корея ғайримунтазира мунтахаби Португалияро бо ҳисоби 2:1 шикаст дод.
Дар гурӯҳи H мунтахаби Португалия бо касби шаш имтиёз аз мақоми аввал ба плей-офф баромад, Дастаҳои Кореяи Ҷанубӣ ва Уругвай чаҳоримтиёзӣ гирифтанд. Кореягиҳо бо дарназардошти шумораи тӯбҳои задашуда аз уругвайиҳо пеш гузаштанд ва мақоми дуюм ба онҳо имконият дод, ки ба ҳаштякфинал бароянд. Ғана бо се имтиёз дар зинаи охирин ҷойгир шуд.
Баъдан бозиҳо дар гурӯҳи G миёни дастаҳои мунтахаби Сербия - Швейтсария ва Камерун – Бразилия барпо гардид. Сербиягиҳо аз швейтсариҳо бо ҳисоби 2:3 шикаст хӯрданд, камеруниҳо ғайричашмдошт бразилиҳоро бо ҳисоби 1:0 мағлуб карданд.
Дар гурӯҳи G мунтахаби Бразилия бо касби шаш имтиёз аз ҷойи аввал ба ҳаштякфинал баромад. Мунтахаби Швейтсария низ шаш имтиёз гирифт, аммо аз рӯи таносуби тӯбҳо дар ҷадвали гурӯҳ баъди бразилиҳо мақоми дуюмро касб кард ва ба ҳаққи ширкат дар марҳилаи баъдӣ мушарраф шуд. Камерун чаҳор имтиёз, Сербия як имтиёз ба даст оварданд. Ҳарду даста мусобиқотро тарк мекунанд.
Натиҷаҳои чаҳор бозии даври сеюм дар гурӯҳҳои G ва Н:
Гурӯҳи G
Сербия – Швейтсария − 2:3 (2:2)
Голҳо: Шакирӣ (20) - 0:1, Митрович (26) - 1:1, Влахович (35) - 2:1, Эмболо - 2:2 (44), Фройлер - 2:3 (48).
Камерун – Бразилия − 1:0 (0:0)
Гол: Абубақар (90+2) - 1:0.
Гурӯҳи H
Ғана – Уругвай − 0:2 (0:2)
Голҳо: де Арраскаэта (26) - 0:1, де Арраскаэта (32) - 0:2
Аз пеналти тӯбро ба нишон нарасонд: А. Айю (Ғана, 21)
Португалия – Кореяи Ҷанубӣ − 1:2 (1:1)
Голҳо: Орта (5) - 1:0, Ким Юн Квон (27) - 1:1, Ҳван Ҳи Чан (90+1) - 1:2.
Ҳамин тариқ, тимҳои миллии Фаронса, Бразилия, Португалия, Нидерланд, Сенегал, Англия, ИМА (Иёлоти Муттаҳидаи Амрико), Аргентина, Лаҳистон, Австралия, Ҷопон, Испания, Марокаш, Хорватия, Швейтсария ва Кореяи Ҷанубӣ ба плей-офф баромаданд.
Вале дастаҳои мунтахаби Эквадор, Қатар, Эрон, Уэлс, Мексика, Арабистони Саудӣ, Тунис, Дания, Олмон, Коста-Рика, Белгия, Канада, Камерун, Сербия, Ғана ва Уругвай аз ҳаққи иштирок дар даври ҳаштякниҳоӣ маҳрум шуданд.
Ба ин тартиб, дар ҳаштякфинали Ҷоми ҷаҳонӣ, ки рӯзҳои 3-6-уми декабр баргузор мешавад, Нидерланд бо ИМА, Аргентина бо Австралия, Ҷопон бо Хорватия, Англия бо Сенегал, Фаронса бо Лаҳистон, Марокаш бо Испания, Бразилия бо Кореяи Ҷанубӣ ва
Португалия бо Швейтсария бозӣ мекунанд.
Имрӯз, 3-юми декабр, ду бозии аввалини даври 1/8-ниҳоӣ баргузор мешавад:
Нидерланд - ИМА (20:00)
Аргентина - Австралия (00:00)
Дар Ҷоми ҷаҳонии футбол дар Қатар то ҳоло аз 64 бозӣ 48-тоаш баргузор шуд. 38 бозӣ бо пирӯзии яке аз дастаҳо хотима ёфт, 10 бозӣ бо ҳисоби мусовӣ ё баробар ба анҷом расид. Ҳамагӣ 120 гол зада шуд. То ҳоло ҳисоби рекордӣ дар бозии дастаҳои Испания ва Коста-Рика мушоҳида гардидааст – 7:0 ба фоидаи Испания.
Мусобиқоти қаҳрамонии футболи ҷаҳон-2022 дар Қатар, ки 20-уми ноябр шуруъ шуд, то рӯзи 18-уми декабр идома хоҳад кард. Бозиҳо дар ҳашт варзишгоҳи панҷ шаҳри Қатар сурат гирифтааст.
Дар марҳилаи гурӯҳӣ 32 дастаи мунтахаб, ки ба 8 гурӯҳи чордастаӣ тақсим шуда буд, барои роҳ ёфтан ба плей-офф мубориза бурд. Марҳилаи гурӯҳӣ 2-юми декабр ба анҷом расид. Дастаҳое, ки дар гурӯҳҳо ҷойҳои якуму дуюмро гирифтанд, ба даври ҳаштякниҳоӣ роҳ ёфтанд.
Ҷоми ҷаҳонии футбол-2022 дар Қатар
Таркиби гурӯҳҳо:
гурӯҳи А – Қатар, Эквадор, Сенегал, Нидерланд;
гурӯҳи В – Англия, Эрон, ИМА (Иёлоти Муттаҳидаи Амрико), Уэлс;
гурӯҳи С – Аргентина, Арабистони Саудӣ, Мексика, Лаҳистон (Полша);
гурӯҳи D – Фаронса, Австралия, Дания, Тунис;
гурӯҳи Е – Испания, Коста-Рика, Олмон, Ҷопон;
гурӯҳи F – Белгия, Канада, Марокаш, Хорватия;
гурӯҳи G – Бразилия, Сербия, Швейтсария, Камерун;
гурӯҳи H - Португалия, Ғана, Уругвай, Кореяи Ҷанубӣ.
Ҷадвали баргузории бозиҳо:
Марҳилаи гурӯҳӣ
20 ноябр, якшанбе
Гурӯҳи А. Қатар – Эквадор – 0:2
21 ноябр, душанбе
Гурӯҳи B. Англия – Эрон – 6:2
Гурӯҳи A. Сенегал – Нидерланд – 0:2
Гурӯҳи B. ИМА– Уэлс – 1:1
22 ноябр, сешанбе
Гурӯҳи C. Аргентина – Арабистони Саудӣ – 1:2
Гурӯҳи D. Дания – Тунис – 0:0
Гурӯҳи C. Мексика – Лаҳистон – 0:0
Гурӯҳи D. Фаронса – Австралия – 4:1
23 ноябр, чоршанбе
Гурӯҳи F. Марокаш – Хорватия – 0:0
Гурӯҳи E. Олмон – Ҷопон – 1:2
Гурӯҳи E. Испания – Коста-Рика – 7:0
Гурӯҳи F. Белгия – Канада – 1:0
24 ноябр, панҷшанбе
Гурӯҳи G. Швейтсария – Камерун − 1:0
Гурӯҳи H. Уругвай –Кореяи Ҷанубӣ − 0:0
Гурӯҳи H. Португалия – Ғана − 3:2
Гурӯҳи G. Бразилия – Сербия − 2:0
25 ноябр, ҷумъа
Гурӯҳи B. Уэлс – Эрон – 0:2
Гурӯҳи А. Қатар – Сенегал − 1:3
Гурӯҳи A. Нидерланд – Эквадор − 1:1
Гурӯҳи B. Англия – ИМА − 0:0
26 ноябр, шанбе
Гурӯҳи D. Тунис – Австралия – 0:1
Гурӯҳи С. Лаҳистон – Арабистони Саудӣ – 2:0
Гурӯҳи D. Фаронса– Дания − 2:1
Гурӯҳи C. Аргентина – Мексика − 2:0
27 ноябр, якшанбе
Гурӯҳи E. Ҷопон – Коста-Рика – 0:1
Гурӯҳи F. Белгия – Марокаш – 0:2
Гурӯҳи F. Хорватия – Канада – 4:1
Гурӯҳи E. Испания – Олмон – 1:1
28 ноябр, душанбе
Гурӯҳи G. Камерун – Сербия − 3:3
Гурӯҳи H. Кореяи Ҷанубӣ – Ғана − 2:3
Гурӯҳи G. Бразилия – Швейтсария – 1:0
Гурӯҳи H. Португалия – Уругвай – 2:0
29 ноябр, сешанбе
Гурӯҳи A. Эквадор – Сенегал – 1:2
Гурӯҳи A. Нидерланд – Қатар – 2:0
Гурӯҳи B. Эрон – ИМА – 0:1
Гурӯҳи B. Уэлс – Англия – 3:0
30 ноябр, чоршанбе
Гурӯҳи D. Австралия – Дания – 1:0
Гурӯҳи D. Тунис – Фаронса – 1:0
Гурӯҳи C. Арабистони Саудӣ – Мексика – 1:2
Гурӯҳи C. Лаҳистон– Аргентина – 0:2
1 декабр, панҷшанбе
Гурӯҳи F. Канада – Марокаш− 1:2
Гурӯҳи F. Хорватия – Белгия − 0:0
Гурӯҳи E. Коста-Рика – Олмон− 2:4
Гурӯҳи E. Ҷопон – Испания − 2:1
2 декабр, ҷумъа
Гурӯҳи H. Ғана – Уругвай − 0:2
Гурӯҳи H. Португалия – Кореяи Ҷанубӣ − 1:2
Гурӯҳи G. Сербия – Швейтсария – 2:3
Гурӯҳи G. Камерун – Бразилия − 1:0
1/8 финал
3 декабр, шанбе
1 - Нидерланд - ИМА (20:00)
2 - Аргентина - Австралия (00:00)
4 декабр, якшанбе
3 - Фаронса - Лаҳистон (20:00)
4 - Англия - Сенегал (00:00)
5 декабр, душанбе
5 - Ҷопон - Хорватия (20:00)
6 - Бразилия – Кореяи Ҷанубӣ (00:00)
6 декабр, сешанбе
7 - Марокаш - Испания (20:00)
8 - Португалия - Швейтсария (00:00)
1/4 финал
9 декабр, ҷумъа
Чорякфинали 1: Ҷопон/Хорватия - Бразилия/Кореяи Ҷанубӣ (20:00)
Чорякфинали 2: Нидерланд/ИМА - Аргентина/Австралия (00:00)
10 декабр, шанбе
Чорякфинали 3: Марокаш/Испания - Португалия/Швейтсария (20:00)
Чорякфинали 4: Фаронса/Лаҳистон - Англия/Сенегал (00:00)
1/2 финал
13 декабр, сешанбе
Нимфинали 1: Ғолиби чорякфинали 2 – Ғолиби чорякфинали 1 (00:00)
14 декабр, чоршанбе
Нимфинали 2: Ғолиби чорякфинали 4 - Ғолиби чорякфинали 3 (00:00)
Бозӣ барои ҷои 3-юм:
17 декабр, шанбе
Мағлуби нимфинали 1 – Мағлуби нимфинали 2 (20:00)
ФИНАЛ
18 декабр, якшанбе
Ғолиби нимфинали 1 – Ғолиби нимфинали 2 (20:00)
Эзоҳ: замони оғози бозиҳо – ба вақти Душанбе
Гуфтугӯ