Бозиҳои даври сеюми Ҷоми ҷаҳонии футбол-2022 дар Қатар дар гурӯҳҳои Е ва F, ки якуми декабр баргузор шуданд, боз чаҳор дастаи ширкаткунандаи даври ҳаштякниҳоии мусобиқотро маълум карданд. Ҳамин тариқ, шумораи тимҳои миллие, ки ба плей-офф баромаданд, ба чордаҳ расид.
Дар гурӯҳи Е ғайримунтазира мунтахаби Ҷопон бо касби шаш имтиёз ғолиб шуд. Ҷопониҳо дар даври сеюм дастаи Испанияро бо ҳисоби 2:1 шикаст дода, ба плей-офф баромаданд. Испания бо касби чаҳор имтиёз ҷойи дуюмро азони худ кард ва ба даври ҳаштякниҳоӣ роҳ ёфт.
Дастаи Олмон ҳарчанд дар бозии охиринаш муқобили Коста-Рика бо ҳисоби 4:2 ғолиб омад, бо касби чаҳор имтиёз бо дарназардошти таносуби тӯбҳо ҷойи сеюмро гирифт ва бори дуюм пайиҳам аз ҳаққи иштирок дар даври 1/8-ниҳоии қаҳрамонии ҷаҳон маҳрум гардид. Мунтахаби Коста-Рика низ, ки бо касби се имтиёз зинаи охиринро ишғол кард, мусобиқотро тарк менамояд.
Дар гурӯҳи F ғайричашмдошт дастаи Марокаш аз рӯи натиҷагирии се даври мусобиқот бо касби ҳафт имтиёз дар ҷадвал пешсаф шуд. Марокашиҳо дар бозии даври охирини ин гурӯҳ дастаи Канадаро бо ҳисоби 2:1 мағлуб карда, ба плей-офф роҳ пайдо намуданд. Мунтахаби Хорватия, ки бозии даври сеюмро бо тими Белгия бо ҳисоби мусовии 0:0 анҷом дод, бо касби панҷ имтиёз ҷойи дуюмро соҳиб шуд ва ба ҳаштякфинал баромад.
Мунтахаби Белгия, ки бо чаҳор имтиёз ҷойи сеюмро гирифт, мусобиқотро тарк мекунад. Дастаи Канада бидуни пирӯзӣ ва имтиёз дар зинаи охирин қарор гирифт ва аз ҳаққи иштирок дар даври баъдӣ маҳрум шуд.
Натиҷаҳои чаҳор бозии даври сеюм дар гурӯҳҳои Е ва F:
Гурӯҳи Е
Коста-Рика — Олмон — 2:4;
Ҷопон — Испания — 2:1.
Гурӯҳи F
Канада — Марокаш — 1:2;
Хорватия — Белгия — 0:0.
Ҳамин тариқ, то ҳоло тимҳои миллии Фаронса, Бразилия, Португалия, Нидерланд, Сенегал, Англия, ИМА (Иёлоти Муттаҳидаи Амрико), Аргентина, Лаҳистон, Австралия, Ҷопон, Испания, Марокаш ва Хорватия ба плей-офф баромаданд.
Вале дастаҳои мунтахаби Эквадор, Қатар, Эрон, Уэлс, Мексика, Арабистони Саудӣ, Тунис, Дания, Олмон, Коста-Рика, Белгия ва Канада аз ҳаққи иштирок дар даври ҳаштякниҳоӣ маҳрум шуданд.
Ба ин тартиб, дар ҳаштякфинали Ҷоми ҷаҳонӣ, ки рӯзҳои 3-6-уми декабр баргузор мешавад, Нидерланд бо ИМА, Аргентина бо Австралия, Ҷопон бо Хорватия, Англия бо Сенегал, Фаронса бо Лаҳистон ва Марокаш бо Испания бозӣ мекунанд.
Дар Ҷоми ҷаҳонии футбол дар Қатар то ҳоло аз 64 бозӣ 44-тоаш баргузор шуд. 34 бозӣ бо пирӯзии яке аз дастаҳо хотима ёфт, 10 бозӣ бо ҳисоби мусовӣ ё баробар ба анҷом расид. Ҳамагӣ 109 гол зада шуд. То ҳоло ҳисоби рекордӣ дар бозии дастаҳои Испания ва Коста-Рика мушоҳида гардидааст – 7:0 ба фоидаи Испания.
Имрӯз, 2-юми декабр, чаҳор бозии даври сеюм дар гурӯҳҳои G ва H баргузор мешавад:
Гурӯҳи H. Ғана – Уругвай − 20:00
Гурӯҳи H. Кореяи Ҷанубӣ – Португалия − 20:00
Гурӯҳи G. Сербия – Швейтсария − 00:00
Гурӯҳи G. Камерун – Бразилия − 00:00
Мусобиқоти қаҳрамонии футболи ҷаҳон-2022 дар Қатар, ки 20-уми ноябр шуруъ шуд, то рӯзи 18-уми декабр идома хоҳад кард. Бозиҳо дар ҳашт варзишгоҳи панҷ шаҳри Қатар сурат гирифтааст.
Дар марҳилаи гурӯҳӣ 32 дастаи мунтахаб, ки ба 8 гурӯҳи чордастаӣ тақсим шудааст, барои роҳ ёфтан ба даври плей-офф мубориза мебарад. Марҳилаи гурӯҳӣ 2-юми декабр ба анҷом мерасад. Дастаҳое, ки дар гурӯҳҳо ҷойҳои якуму дуюмро мегиранд, ба даври ҳаштякниҳоӣ роҳ меёбанд.
Ҷоми ҷаҳонии футбол-2022 дар Қатар
Таркиби гурӯҳҳо:
гурӯҳи А – Қатар, Эквадор, Сенегал, Нидерланд;
гурӯҳи В – Англия, Эрон, ИМА (Иёлоти Муттаҳидаи Амрико), Уэлс;
гурӯҳи С – Аргентина, Арабистони Саудӣ, Мексика, Лаҳистон (Полша);
гурӯҳи D – Фаронса, Австралия, Дания, Тунис;
гурӯҳи Е – Испания, Коста-Рика, Олмон, Ҷопон;
гурӯҳи F – Белгия, Канада, Марокаш, Хорватия;
гурӯҳи G – Бразилия, Сербия, Швейтсария, Камерун;
гурӯҳи H - Португалия, Ғана, Уругвай, Кореяи Ҷанубӣ.
Ҷадвали баргузории бозиҳо (ба вақти Душанбе):
Марҳилаи гурӯҳӣ
20 ноябр, якшанбе
Гурӯҳи А. Қатар – Эквадор – 0:2
21 ноябр, душанбе
Гурӯҳи B. Англия – Эрон – 6:2
Гурӯҳи A. Сенегал – Нидерланд – 0:2
Гурӯҳи B. ИМА– Уэлс – 1:1
22 ноябр, сешанбе
Гурӯҳи C. Аргентина – Арабистони Саудӣ – 1:2
Гурӯҳи D. Дания – Тунис – 0:0
Гурӯҳи C. Мексика – Лаҳистон – 0:0
Гурӯҳи D. Фаронса – Австралия – 4:1
23 ноябр, чоршанбе
Гурӯҳи F. Марокаш – Хорватия – 0:0
Гурӯҳи E. Олмон – Ҷопон – 1:2
Гурӯҳи E. Испания – Коста-Рика – 7:0
Гурӯҳи F. Белгия – Канада – 1:0
24 ноябр, панҷшанбе
Гурӯҳи G. Швейтсария – Камерун − 1:0
Гурӯҳи H. Уругвай –Кореяи Ҷанубӣ − 0:0
Гурӯҳи H. Португалия – Ғана − 3:2
Гурӯҳи G. Бразилия – Сербия − 2:0
25 ноябр, ҷумъа
Гурӯҳи B. Уэлс – Эрон – 0:2
Гурӯҳи А. Қатар – Сенегал − 1:3
Гурӯҳи A. Нидерланд – Эквадор − 1:1
Гурӯҳи B. Англия – ИМА − 0:0
26 ноябр, шанбе
Гурӯҳи D. Тунис – Австралия – 0:1
Гурӯҳи С. Лаҳистон – Арабистони Саудӣ – 2:0
Гурӯҳи D. Фаронса– Дания − 2:1
Гурӯҳи C. Аргентина – Мексика − 2:0
27 ноябр, якшанбе
Гурӯҳи E. Ҷопон – Коста-Рика – 0:1
Гурӯҳи F. Белгия – Марокаш – 0:2
Гурӯҳи F. Хорватия – Канада – 4:1
Гурӯҳи E. Испания – Олмон – 1:1
28 ноябр, душанбе
Гурӯҳи G. Камерун – Сербия − 3:3
Гурӯҳи H. Кореяи Ҷанубӣ – Ғана − 2:3
Гурӯҳи G. Бразилия – Швейтсария – 1:0
Гурӯҳи H. Португалия – Уругвай – 2:0
29 ноябр, сешанбе
Гурӯҳи A. Эквадор – Сенегал – 1:2
Гурӯҳи A. Нидерланд – Қатар – 2:0
Гурӯҳи B. Эрон – ИМА – 0:1
Гурӯҳи B. Уэлс – Англия – 3:0
30 ноябр, чоршанбе
Гурӯҳи D. Австралия – Дания – 1:0
Гурӯҳи D. Тунис – Фаронса – 1:0
Гурӯҳи C. Арабистони Саудӣ – Мексика – 1:2
Гурӯҳи C. Лаҳистон– Аргентина – 0:2
1 декабр, панҷшанбе
Гурӯҳи F. Канада – Марокаш− 1:2
Гурӯҳи F. Хорватия – Белгия − 0:0
Гурӯҳи E. Коста-Рика – Олмон− 2:4
Гурӯҳи E. Ҷопон – Испания − 2:1
2 декабр, ҷумъа
Гурӯҳи H. Ғана – Уругвай − 20:00
Гурӯҳи H. Кореяи Ҷанубӣ – Португалия − 20:00
Гурӯҳи G. Сербия – Швейтсария − 00:00
Гурӯҳи G. Камерун – Бразилия − 00:00
1/8 финал
3-6 декабр
Нидерланд – ИМА
Аргентина - Австралия
Ҷопон бо Хорватия
Англия - Сенегал
Фаронса - Лаҳистон
Марокаш бо Испания
1/4 финал
9–10 декабр
1/2 финал
13–14 декабр
Бозӣ барои ҷои 3-юм:
17 декабр
Финал
18 декабр
Гуфтугӯ