Варзишгарони тоҷик дар мусобиқаи қаҳрамонии Осиё оид ба кураш, ки рӯзҳои 19-20-уми март дар Маҷмааи универсалии варзишии шаҳри Душанбе баргузор шуд, ҳашт медал (ду тилло, се нуқра ва се биринҷӣ) ба даст оварданд.
Дар мусобиқаи қаҳрамонии Осиё оид ба кураш миёни бузургсолон (мардону занон) беш аз 150 варзишгар аз 25 кишвар иштирок доштанд. Тоҷикистонро 14 варзишгар намояндагӣ кард.
Паҳлавони тоҷик Додохон Қурбоналиев, ки дар вазни +100 кг дар финал Шоҳрух Усмонови узбекистониро мағлуб намуд, бо медали тилло сарфароз гашт. Медали дуюми тиллоро ба дастаи Тоҷикистон Муҳаммадризо Қувватов овард. Вай дар вазни то 60 кг ба намояндаи Узбекистон Абдулазиз Ҳамроев дастболо шуд.
Варзишгарони тоҷик дар ду рӯзи мусобиқа боз се медали нуқра ва се медали биринҷӣ ба даст оварданд. Ҳақназар Назаров дар вазни то 90 кг, Субҳиддин Халилзод дар вазни то 73 кг ва Фазилат Гулбоева дар вазни то 57 кг барои ҷойҳои дуюм бо медалҳои нуқра мукофотонида шуданд.
Се паҳлавони дигари тоҷик - Умар Расулов дар вазни то 81 кг,
Абубакри Акобир дар вазни то 100 кг ва Мавлуда Асламова дар вазни то 87 кг барои ҷойҳои сеюм медалҳои биринҷӣ гирифтанд.
Ба ин тартиб дар сабқати занон аз ҳашт вазн дар панҷтоаш варзишгарони Узбекистон, дар дутоаш намояндагони Тайпей ва дар яктоаш гуштигири Эрон ғолиб шуданд.
Дар сабқати мардон бошад, аз ҳафт вазн дар сетоаш варзишгарони Эрон пирӯз гаштанд, намояндагони Тоҷикистон ва Узбекистон дар дувазнӣ ба унвони қаҳрамони Осиё даст ёфтанд.
Мусобиқаи қаҳрамонии Осиё оид ба кураш миёни бузургсолон
Занон
-48 кг
1. Диана ЙЕҲ (Тайпей)
2. Моҳинур Муъминова (Узбекистон)
3. Сранг Тин ТО (Ветнам)
3. Малапрабҳа Чатҳав (Ҳиндустон)
-52 кг
1. Ҳилола ОРТИҚБОЕВА (Узбекистон)
2. Чиа-Вен ТСОУ (Тайпей)
3. Ананда ДИТА (Индонезия)
3. Тоҳира Худобахш ОЗАРПАЙВАНД (Эрон)
-57 кг
1. Ибодатхон ОҒОҶОНОВА (Узбекистон)
2. Фазилат ГУЛБОЕВА (Тоҷикистон)
3. Йу-Ҳсуан ЧУАНГ (Тайпей)
3. Саовалак ҲОМКЛИН (Тайланд)
-63 кг
1. Оля ҲАМИДОВА (Узбекистон)
2. Садаф АРДАШЕР (Эрон)
3. Йу-Чинг ЧЕНГ (Тайпей)
3. БҲАРТӢ (Ҳиндустон)
-70 кг
1. Шаҳноза БОЗОРОВА (Узбекистон)
2. Ван-Тинг ЛИ (Тайпей)
3. Мерим МУЪМИНОВА (Қирғизистон)
3. Дунё Қосим ОҒОӢ (Эрон)
-78 кг
1. ФИЛУРА (Узбекистон)
2. АЛИАКБАР (Эрон)
3. Чиа-Линг ЛИУ (Тайпей)
3. МАНПРИТ (Ҳиндустон)
-87 кг
1. Ҳси-Тзу ЯНГ (Тайпей)
2. Зуҳро Ҳашматулло БАҲОРӢ (Эрон)
3. Мавлуда АСЛАМОВА (ТОҶИКИСТОН)
3. Юлдуз МУҲАММАДИЕВА (Узбекистон)
+87 кг
1. Фотима БАРМАКӢ (Эрон)
2. Ти Танҳ ТРАН (Ветнам)
3. Ситора ХУСАНОВА (Узбекистон)
3. Ҷиттима СИРИКАРН (Тапйланд)
Мардон
-60 кг
1. Муҳаммадризо ҚУВВАТОВ (Тоҷикистон)
2. Абдулазиз ҲАМРОЕВ (Узбекистон)
3. Хатансанхайн АМАРСАНАА (Муғулистон)
3. Баримонлу Алӣ МУҲАММАДӢ (Эрон)
-66 кг
1. Артём ШТУРБАБИН (Узбекистон)
2. Қосим Валимурод НУРИЗОДА (Эрон)
3. Бйамбасурен УЛЗИИБАЙАР (Муғулистон)
3. Ҳао-Ченг ЧАН (Тайпей)
-73 кг
1. Илёс Сабзаалӣ ПОКДИЛ (Эрон)
2. Субҳиддин ХАЛИЛЗОД (Тоҷикистон)
3. Муҳаммад МУҲАММАД (Кувайт)
3. Нгок Сон ВУ (Ветнам)
-81 кг
1. Умед ЭСАНОВ (Узбекистон)
2. Умед Исмоил ТЕЗТАК (Эрон)
3. Умар РАСУЛОВ (ТОҶИКИСТОН)
3. Минҳ Қуан БУӢ (Ветнам)
-90 кг
1. Масъуд Бароталӣ ҚАВИБОЗУ (Эрон)
2. Ҳақназар НАЗАРОВ (ТОҶИКИСТОН)
3. Ҷонибек ҚАЗОҚОВ (Узбекистон)
3. Чингизхон МЕДЕТОВ (Қазоқистон)
-100 кг
1. Ҷавон Ҳайдар Алӣ МУРОДӢ (Эрон)
2. Шералӣ ҶӮРАЕВ (Узбекистон)
3. Абубакри АКОБИР (Тоҷикистон)
3. ВИШАЛ (Ҳиндустон)
+100 кг
1. Додохон ҚУРБОНАЛИЕВ (ТОҶИКИСТОН)
2. Шоҳрух УСМОНОВ (Узбекистон)
3. Каназип ЙЕА-ОН (Тайланд)
3. Чиен-Ҳунг ЧЕН (Тайпей)
