Қосимҷомарт Тоқаев, раиси ҷумҳурии Қазоқистон, таҳқиқоти байнулмилалиро дар бораи эътирозҳои моҳи январ дар ин кишвар рад кард.
Дар ин тазоҳурот, ки аввал ба зидди болоравии нархи сӯзишворӣ баргузор шуда, сипас ба минтақаҳои гуногуни ин кишвар густариш ёфт, дастикам 220 нафар кушта шудаанд.
Тоқаев рӯзи 29-уми январ дар мусоҳибаи аввалини телевизионии худ баъд аз ин тазоҳурот гуфт, кишвараш бо таҳдиди тундравон рӯбарӯ шуда буд ва ҳукумати вай метавонад, дар бораи ин тазоҳурот худ таҳқиқ кунад.
Вай қаблан бидуни инки далеле пеш биорад, гуфта буд, гуруҳҳои даҳшатафкани марбут ба кишварҳои дигар дар ин тазоҳурот саҳм доштанд.
Нерӯҳои Созмони Паймони Амнияти Дастҷамъӣ (ОДКБ) ба раҳбарии Маскав барои аз байн бурдани ин афрод ба Қазоқистон даъват шуда буданд.
