Владимир Путин, президенти Русия моҳи сентябри соли ҷорӣ ба Тоҷикистон меояд. Дар ин бора хабаргузориҳои русӣ аз қавли нахуствазири Тоҷикистон Қоҳир Расулзода навиштаанд. Расулзода рӯзи 29-уми апрел дар Қазон бо ҳамтои русаш Михаил Мишустин мулоқот дошт. Ин мақомдори тоҷик гуфтааст, Эмомалӣ Раҳмон ва Владимир Путин ҳангоми сӯҳбати телефонӣ дар мавриди сафари президенти Русия ба Тоҷикистон дар нимаи дуввуми моҳи сентябр ба мувофиқа расидаанд. Раҳбарони ду кишвар рӯзи 23-юми апрел дар гуфтугӯи телефонӣ аз ҷумла мавзӯъи амнистияи муҳоҷиратӣ ва зиёд кардани парвозҳоро матраҳ намуда буданд.
Путин моҳи сентябр ба Душанбе меояд
