ТАРҲҲО

Хабари нав

Мирзоҷалоли Шоҳҷамол

Матолиби Мирзоҷалоли Шоҳҷамол

ноябр 04, 2010
Баҳси падарон ва фарзандон бар сари ҷои кор

Раиси Вилояти Мухтори Кӯҳистони Бадахшон Қодири Қосим аз роҳбарони идораву муассисисаҳо тақозо кардааст, бознишастагонеро, ки ҳанӯз кор мекунанд, ҳар чи зудтар ба нафақа гусел кунанд. Интизор меравад, ки наздик ба 700 шахси бознишаста, ҷойҳои кориро барои кадрҳои ҷавон холӣ намоянд.
октябр 30, 2010
Борони кӯтоҳмуддат вале вайронгар

Борони сели ғайриинтизор ва кӯтоҳмуддат, 5 хонаводаи деҳаи Шошбувади ноҳияи Роштқалъаро аз манзилҳояшон берун сохт. Ба гуфтаи роҳбари барномаи расидагӣ ба ҳолатҳои изтирории ташкилоти «Фокус» дар Хоруғ Абдулҳамид Ғаёсов, вақте, ки сокинон оиди ҳодиса хабар дода хостори кӯмак шуданд, онҳо дар аввал бовар накарданд
октябр 19, 2010
Иқтидори нерӯгоҳи "Помир-1" барқарор мегардад

Роҳбари ширкати «Помирэнержӣ» Далер Ҷумъаев итттилоъ дод, ки агрегати дар Ҳиндустон сохташудаи нерӯгоҳи обии барқии «Помир-1» марзҳои Туркманистон ва Узбакистонро убур карда, интизор меравад, пас аз як ҳафта аз масири Қирғизистон ба Хоруғ бирасад.
октябр 16, 2010
Дар Мурғоб воҳиди низомӣ таъсис меёбад

Дар ноҳияи Мурғоб воҳиди низомии вазорати дифои кишвар таъсис меёбад. Сардори комиссариати ҳарбии Бадахшон Зафар Давлатов бо таъйиди ин хабар гуфт, ки вазири дифоъ тайи сафари ахири худ ба Бадахшон дар як моҳ қабл, ба манзури интихоби ҷой барои воҳиди низомӣ, ба Мурғоб сафар карда буд.
октябр 11, 2010
Нигаронии мусофирон аз ҳамла ба корвони мошинҳо

Ба думболи ҳамлаи гурӯҳи номаълум ба корвони мошинҳо дар масири Хоруғ-Душанбе дар минтақаи Шӯрообод аксари ронандаҳо аз Бадахшон ё сафар ба Душанберо лағв кардаанд, ё аз тариқи ағба ба пойтахт мераванд.
сентябр 28, 2010
Ленинро хусусӣ мекунанд?

Пайкараи Ленин, ки дар арафаи Рӯзи Ваҳдат дар Хоруғ барканда шуд, дар ҷойи нав низ худро "ноором" ҳис мекунад. Сокини Хоруғ Кишвар Наврӯзшоев аз мақомот ва раиси ҳизби коммунист Шодӣ Шабдолов хостааст сарнавишти пайкараи Ленинро ҳал кунанд, вагарна ҳаққи соҳиби ба онро аз даст хоҳанд дод.
сентябр 24, 2010
Нуруллои Абдулло толибонро панд медиҳад

Ҳунарпешаи шинохта Нуруллои Абдулло дар ин рӯзҳо дар Хоруғ либоси толибонро ба бар кардааст. Дар баъзе гӯшаҳои шаҳр наворгирии филм, ки аз асорати журналистони фаронсавӣ ба дасти толибон ва раҳоии онҳо аз асорат бар асари амалиёти гурӮҳи вижаи фаронсавӣ нақл мекунад, идома дорад.
сентябр 24, 2010
Нигаронӣ аз "зуҳури" Мулло Абдулло дар Бадахшон

Аҳзоби сиёсӣ дар Бадахшон аз эҳтимоли пайдо шудани шабаҳи Мулло Абдулло дар кӯҳҳистонҳои Помир нигаронанд. Алим Шерзамонов, раиси ҲСДТ дар Бадахшон мегӯяд, таҳаввулоти Рашт водор мекунад, то аз эҳтимоли зуҳури Муло Абдулло дар Бадахшон низ андеша шавад.
сентябр 23, 2010
"Толибон" дар Помир

Бо ширкати ҳунарпешагони Голливуд Диана Крюгер, симои шинохта аз филми «Троя» ва Ҷимон Хунсу бозигари филми «Гладиатор» ба наворгирии як филми синамосозони фаронсавӣ дар Бадахшон оғоз гардид.
сентябр 21, 2010
Конфронси бахши бадахшонии ҲНИТ ба таъхир афтод

Баргузории конфронси бахши бадахшонии ҲНИТ бо сабабҳои номаълум ба таъхир афтодааст. Ба гуфтаи иҷрокунандаи вазифаи раиси бахши вилоятии ҳизби наҳзат Сабзали Мамадризоев, вакилон ба манзури ширкат дар маросими ёдбуди раиси собиқи ҳизб Сироҷиддин Калонов, рӯзи шанбе, 18-уми сентябр ба маҳалли Язгуломи ноҳияи Ванҷ сафар кардаанд.
сентябр 16, 2010
"Алами Исоро аз Мусо мегиранд"

Аз лаҳзаи ифтитоҳи биноҳои навбунёди кохи ҷавонон, хобгоҳ барои донишҷуёни донишгоҳи Хоруғ ва театри навсозишудаи вилоятӣ дар ҳузури президенти кишвар, зиёда аз ду моҳ сипарӣ гардид. Вале то ба ҳол, ҳеҷ яке аз ин иншоот мавриди баҳрабардорӣ қарор нагирифтаанд.
сентябр 14, 2010
Гузаргоҳи Қулма зимистон ҳам боз мемонад

Гузаргоҳи марзии байни Тоҷикистону Чин, ки одатан моҳи май кушода ва охирҳои декабр баста мешавад, имсол дар фасли зимистон низ фаъолият хоҳад кард. Ҳукумати Тоҷикистон барои боз будани роҳи нақлиётии байни Тоҷикистону Чин дар тамоми фаслҳои сол супориш додааст.
сентябр 09, 2010
Таҳдиди сел ба деҳаи Андарви Роштқалъа

Таҳдид сел ва хокрезӣ 15 хонаводи деҳаи Андарви ноҳияи Роштқалъаро аз манзилҳояшон бадар сохта, айни ҳол ин хонаводаҳо дар хаймаҳо зиндагӣ доранд. Ба хотири амният мактаби ибтидоӣ ва маркази саломатӣ низ ба хаймаҳо кӯчиданд.
сентябр 09, 2010
Вазъи ногувори бемористони амрози рӯҳӣ

Дар рӯзи ҷашни Истиқлолият мардум ба кӯчаву хиёбонҳо рехта бо шодмонӣ ин ҷашнро таҷлил мекунанд. Аммо дар ҷомеа гурӯҳе ҳастанд, ки рӯзҳои ғам ва хурсандӣ барояшон қариб якранг мегузаранд.
сентябр 07, 2010
Оғози тарҳи обёрӣ байни ду Бадахшон

Обхезии моҳи август, қисме аз заминҳои кишти сокинони деҳаи Барчиди ноҳияи Шуғнонро хароб кард. Соҳибони ин заминҳо дар дигар шудани маҷрои дарё ҳамсоягони афғонашонро муттаҳам мекунанд,
сентябр 04, 2010
"Дунба чӣ кунад даруни шудгор ..."

Дар оғози соли таҳсил зиёда аз 800 донишҷӯ барои нахустин бор ба остонаи Донишгоҳи давлатии Хоруғ қадам ниҳоданд.Садорати донишгоҳ мегӯяд, ки аз шумули довталабони зиёд, бетаринҳо донишҷӯ шуданд. Вале устодони донишгоҳ аз сол ба сол коҳиш ёфтани сифати дониши дохилшавандаҳо ба донишгоҳ нигарон ҳастанд.
сентябр 02, 2010
Анҷоми амалиёти кӯмак

Амалиёти якҷояи вазорати дифоъ, кумитаи ҳолатҳои фавқуллода ва мақомоти Бадахшон ба манзури расондани кӯмаки оҷил ба сокинони деҳоти дурдасти маҳалли Бартанги ноҳияи Рушон фардо аҷом мепазирад.
сентябр 01, 2010
Оғози рӯзҳои пуртаҳлука барои "Марко Поло"

Аз 1-уми сентябр барои барраи нодири "Марко Поло", ки дар кӯҳу даштҳои Помири Шарқӣ мечарад, рӯзҳои пуртаҳлука оғоз гардид. Мораторияи дусола ба шикори ин навъи ҷонвари нодир, ки бояд 1-уми январи соли 2011-поён меёфт, пеш аз мӯҳлат ба анҷом расид.
август 30, 2010
"Духовка" ба ҷойи танур

Солҳои ахир бонувони Бадахшон дар пӯхтани нон аз танури бобоӣ рӯ ба тафдонҳои муосир меоранд. Вале аксари ҳамсӯҳбатҳои мо бар ин назаранд, ки нони тафдон маззаву лаззати нони тануриро надорад.
август 30, 2010
Дарвоз: Садама ҷони ҳафт нафарро гирифт

Бар асари як садамаи нақлиётӣ дар роҳи Дарвоз - Кӯлоб, дар маҳалли Кӯфоби ноҳияи Дарвоз, ронандаи мошин ва шаш мусофири савори он ба дарёи Панҷ афтода ва ҷони худро аз даст додаанд. Ҷасанди як мусофир аз об берун оварда шудааст. Бино ба хабарҳо, ин мошин ба идораи Бунёди Оғохон дар Бадахшон тааллуқ дорад.

Ёфтҳои бештар

XS

SM

MD

LG