Зилзилаи 5,9-дараҷаӣ қисматҳое аз Афғонистон ва Тоҷикистонро такон дод

Соати 23:56 дақиқаи шаби гузашта зилзилаи нисбатан шадид қисматҳое аз Афғонистон, Тоҷикистон, Узбекистон ва Покистонро такон дод.

Бар асоси маълумоти Маркази зилзилашиносии Амрико, маркази ин зилзила дар 60-километрии шаҳри Файзобод, маркази вилояти Бадахшони Афғонистон ва шиддати он 5,9 дараҷа будааст.

Хабаргузории "Рейтерз" ба нақл аз як Идораи заминшиносии Олмон, шиддати ин зилзиларо 5,5 дараҷа хонда ва гуфтааст, ки маркази ин зилзила дар 181-километрии умқи куҳҳои Ҳиндукуш будааст.

Аз хисороти эҳтимолии зилзила ҳанӯз гузорише нашудааст.