Низомиёни Украина гуфтанд, ки артиши Русия шаби шанбе ҳадафмандона ба як интернат ё парваришгоҳ дар шаҳри Суджа дар вилояти Курск зарба задааст.
Ин минтақаи Русия аз моҳи августи соли 2024 зери назорати нерӯҳои украинист.
Вазорати мудофиаи Русия, баръакс, дар ҳамла низомиёни Украинаро гунаҳкор кард.
Ҳангоми ҳамла дар дохили интернат беш аз 90 кас, асосан одамони солхӯрда ва камтавонҳо ё маъюбон қарор дошта, бисёриҳо зери вайрона мондаанд.
Ситоди кулли нерӯҳои мусаллаҳи Украина гуфт, чор кас ҷон бохта, тақрибан навад нафар осеб диданд. Вазъияти чор нафари онҳо вазнин гуфта мешавад.
Ин ниҳоди ҳарбии Украина зарба ба интернатро дар шаҳри Суджа "ҷинояти навбатии мақомоти Русия алайҳи шаҳрвандони осоишта" хонд.