Артиши Исроил дар ҳамлаи рӯзи шанбе ба Эрон се низоми зиддиҳавоии С-300-ро нобуд кардааст. Дар ин бора нашрияи The Wall Street Journal бо такя ба мақомоти амрикоӣ ва исроилӣ гузориш додааст.
С-300 бахши асосии низоми зиддиҳавоии Эронро ташкил мекард.
Қаблан Русия ба Эрон чор маҷмӯъ аз низоми зиддиҳавоии С-300 фиристода буд, ки ба гуфтаи мақомоти ғарбӣ ҳоло сетоаш нобуд шудааст. Бахши чоруми ин низоми зиддиҳавоӣ пештар аз байн бурда шуда буд.
Артиши Исроил рӯзи 26-уми октябр дар ҷавоб ба ҳамлаи Эрон дар аввали моҳи ҷорӣ ба чанд маркази низомии ин кишвар зарба зад.
Мақомоти эронӣ аз кушта шудани дастикам 2 сарбоз хабар доданд.