Вениамин Кондратев, волии Краснодар, дар Телеграм хабар дод, ки Украина субҳи 15-уми ноябр бо ҳавопаймоҳои бесарнишин (дрон) ба ин минтақаи Русия ҳамлаи густурда анҷом додааст.
Ҳадафи эҳтимолии ҳамла як пойгоҳи бузурги Русия дар наздикии шаҳри Кримск гуфта мешавад.
Русия аз моҳи феврали соли 2022, ки ба хоки Украина таҷовуз кард, бо мушаку бесарнишин ба зербинҳои ғайринизомӣ ва энержии ин кишвар зарба мезанад.
Украина бештар иншооти низомии Русия, аз қабили анборҳои сӯзишворӣ ва фурудгоҳҳоеро нишон гирифтааст, ки барои ҳамлаҳо ба қаламраваш истифода мешаванд.