Забеҳулло Муҳоҷид, сухангӯи Толибон, ки рӯзи 28 феврал ба муносибати панҷсолагии ин созиш суханронӣ мекард, гуфт, ин тавофуқнома барои як марҳила буд ва он ба итмом расидааст. Муҷоҳид, ки дар телевизиони давлатии Афғонистон сӯҳбат мекард, гуфт, “Аморати Исломӣ (ишора ба Афғонистон) ҳокимияти худро бар асоси он тавофуқнома пеш намебаранд”. Муҷоҳид гуфт, ки ӯҳдадориҳои Толибон бар асоси ин санад дар бораи пешгирӣ аз истифодаи хоки Афғонистон барои ҳамла алайҳи Ғарбу муттаҳидонаш иҷро шудааст. Муҷоҳид аз Вашингтон даъват кард, ки “барои ҳамоиш бо Афғонистон иқдомҳои мусбат бардорад” ва, мутобиқи тавофуқот, раҳбарони Толибонро аз феҳристи афроди таҳримшуда хориҷ кунад.
Дар ҳоле, ки созиши Давҳа роҳро барои ихроҷи нирӯҳои хориҷӣ аз Афғонистон боз кард, як шарти муҳими он – таъсиси ҳукумати нави гузор иҷро нашуд. Созиши Давҳа бо ташаббуси ҳукумати пешини Доналд Трамп имзо шуда буд.
Дар ҳоле, ки Трамп дар яке аз охирин сӯҳбатҳояш дар бораи тафовуқи Давҳа тирамоҳи порсол аз он ҳамчун “як созиши бисёр хуб” ситоиш кардааст, дар дохили Афғонистон мардум ба он назари ҳамсон надоранд. Эҷоди ҳукумати тандрави муҳофизакори динӣ, маҳрум кардани занону духтарон аз ҳақи таҳсилу кор ва монеаҳои фаровони дигар аз сабабҳои бисёр муҳими норизоияти аксар сокинони Афғонистон гуфта мешавад.
ИНЧУНИН, БИХОНЕД:
Вазири тоҷик ва намояндаи СММ мавзӯи гурезаҳоро баррасӣ кардандУзбекистон ва Толибон аз Ҳайратон то Ҳирот роҳи оҳан месозандОлмон интихобот дорад, паноҳҷӯён ба изтироб афтодаанд"Хостанд, рақобат накунем." Боҷи Узбекистону Афғонистон ба ду маҳсулоти Тоҷикистон