Тоҷикистон ва Иттиҳоди Доминика барои аз байн бурдани раводид созишнома имзо кардаанд.
Иттиҳоди Доминика як кишвари ҷазиравӣ дар Амрикои Шимолӣ аст.
Дар созишнома миёни Тоҷикистон ва Иттиҳоди Доминика омадааст, ду тараф барои дорандагони шиносномаи дипломатӣ, хизматӣ ва одӣ сафари бидуни раводидро ба мӯҳлати то 90 рӯз иҷозат медиҳанд.
Дар санад баъзе истисноҳо пешбинӣ шудаанд, аз ҷумла, ду кишвар метавонанд "воридшавӣ ё будубоши шаҳрвандони тарафи дигарро бо сабабҳои амнияти давлатӣ, тартиботи ҷамъиятӣ ё саломатии аҳолӣ, рад намояд".
Моҳи майи соли 2024 Тоҷикистон дар қатори 25 кишвар ба шаҳрвандони Иттиҳоди Доминика иҷозат дода буд, ки то 30 рӯз бидуни раводид ё виза ба Тоҷикистон сафар кунанд.