Як гурӯҳи корбарони Радиои Озодӣ аз шаҳри Маскав гуфтанд, шоми 26-уми апрел хобгоҳи муҳоҷирони корӣ дар кӯчаи Подъемний переулок оташ гирифтааст. Сабаби сар задани сӯхтор маълум нест, ва, хушбахтона, ҳеҷ касе аз шаҳрвандони Тоҷикистон ё дигарҳо дар ин ҳодиса осеб надидааст.
Муҳоҷирон бо ирсоли аксу навор ба Радиои Озодӣ гуфтанд, ки дар ин хобгоҳ беш аз 300 коргари хориҷӣ, аксаран тоҷикон зиндагӣ мекардаанд. Дар паи сӯхтор шаб маҷбур шудан дар кӯча бимонданд ва ҳоло ҷои хобе надоранд.
Дар наворҳое, ки ба Радиои Озодӣ фиристоданд, дида мешавад, ки сӯхтор дар ошёнаи дуввуми хобгоҳ сар зада мошинҳои оташнишонӣ сӯхторнишонӣ оташро хомӯш мекунанд. Шоҳидони ҳодиса гуфтанд, сӯхтор аз як ҳуҷраи хобгоҳ сар шуда ба дигар ҳуҷраҳо гузаштааст.
Мақомот расман сабаби сар задани сӯхтор ва ҳаҷми зарари онро то ҳол шарҳ надодаанд.