Сафорати Тоҷикистон дар Маскав хабар дод, ки 5 шаҳрванди ноболиғи кишвар (се писар ва ду духтар)-ро, ки дар Русия бесаробон монда буданд, ба ватан фиристодаанд.
Мақомот сабаби бепарастор мондани кӯдаконро нагуфтанд.
Дар хабарномаи сафорат танҳо омадааст, ки ноболиғонро дар доираи як созишнома миёни кишварҳои узви Иттиҳоди Давлатҳои Мустақил ба Тоҷикистон фиристоданд.
Ба иттилои расмӣ, аз аввали имсол 54 шаҳрванди ноболиғи Тоҷикистонро аз Русия оварда, ба наздиконашон додаанд.