Нашрияи The Wall Street Journal бо такя ба мусоҳибаи ихтисосии Венс рӯзи 14 феврал навишт, “василаҳои иқтисодӣ ва ҳам, бешубҳа, василаҳои ҳарбии таъсиргузор ҳам ҳаст, ки аз он ИМА метавонад зидди Путин истифода кунад”.
Ӯ таъкид намуд, ки Вашингтон дар ҳақи истиқлолият ва соҳибихтиёрии Украина андеша мекунад. Айни замон, Венс гуфт, дар робита бо Украина имкони дастёбӣ ба созише ҳам вуҷуд дорад, ки ба гуфтаи ӯ, “бисёриҳоро дар ҳайрат хоҳад гузошт”.
Инчунин муовини президенти Амрико ишора кард, ки Доналд Трамп вобаста ба шеваи музокирот метавонад тарзи бархӯрдашро дигар кунад. Қарор аст рӯзи ҷумъа, 14-уми феврал Ҷей Ди Венс дар Мюнҳен бо президенти Украина Владимир Зеленский дидор ва гуфтугӯ кунад.
Рӯзи 12 феврал Трамп гуфт, ки бо президентони Русия ва Украина телефонӣ суҳбат кард ва ба зердастонаш дастур дод, ки барои шурӯи музокирот ба хотири хатми ҷанг дар Украина омода шаванд.
ИНЧУНИН, БИХОНЕД:
Трамп дар бораи эҳтимоли хатми ҷанг тафсилот дод"Украина бояд як бахши музокироти сулҳ бошад"Доналд Трамп ва Владимир Путин гуфтугӯ карданд