Мақомот дар Эрон розӣ шудаанд, ки манъи истифода аз WhatsApp ва замимаи Google Play дар қаламрави ин кишвар бекор карда шавад.
Дар ин бора хабаргузории ИРНА иттилоъ дод.
Аз ин пеш раисҷумҳур Масъуд Пизишкиён ваъда дода буд, ки монеаҳоро дар Интернет сабуктар хоҳад кард. Феълан маълум нест, қарор кай ба иҷро медарояд.
Ҳамзамон аз 290 узви Маҷлиси Эрон 136 нафар дар номае ба Шӯрои олии амнияти иттилоотӣ навиштаанд, ки манъи истифодаи Google Play ва WhatsApp “тӯҳфае барои душманон" хоҳад шуд.
Истифода аз Facebook, Х, Telegram ва YouTube аз соли 2009 дар Эрон манъ аст. Google Play ва WhatsApp соли 2022, баъд аз марги Маҳсо Аминӣ ва эътирозҳои сартосарии зиддиҳукуматӣ масдуд шуд.