Додгоҳе дар Маскав хабарнигори нашрияи "Медуза" Лилия Яппароваро бо иттиҳоми ширкат дар кори "созмони номатлуб", 15 ҳазор рубл ($177) ҷарима кардааст. Дар ин бора дафтари матбуотии додгоҳ ва ҳам нашрияи “Медуза” хабар додааст. Ҳукм 1-уми апрел содир шудааст.
Ҷузъиёти қарори додгоҳ маълум нест ва барои ҳамин рӯшан нест, ки хабарнигорро бар асоси кадом далелҳо ҷазо додаанд.
Додситонии кулли Русия моҳи январи соли 2023, нашрияи "Медуза"-ро ба рӯйхати "созмонҳои номатлуб" ворид кард. Ҳамкорӣ бо ташкилотҳое, ки ба ин рӯйхат шомил шудаанд, метавонад сабабгори ҷавобгарии ҷиноӣ шавад.
Ба ҳисоби нашрияи "Медуза", танҳо дар соли гузашта додгоҳҳои Русия 81 касро барои ҳамкорӣ бо "созмони номатлуб" ҷарима кардаанд.