Ҷасади як сарбози дигари Амрикоро дар Литва пайдо кардаанд.
Дар ин бора артиши Иёлоти Муттаҳида рӯзи 1-уми апрел хабар дод.
Аз ин пеш ҷасади се сарбози амрикоӣ ёфта шуда буд.
Ин чор нафар, ки савори мошини зиреҳпӯши М88 Hercules-и артиши Амрико буданд, рӯзи 25-уми марти имсол ҳангоми тамрин дар Литва бедарак гаштанд.
Дертар маълум шуд, ки нақлиёти онҳо ба ботлоқзор афтодааст. Мошинро рӯзи 31-уми март берун оварданд.
Фармондеҳии артиши Амрико қаблан дар бораи сарнавишти низомиён хабар надода буд.