Ҳокимони вилоятҳои Калуга ва Брянск дар Русия рӯзи 10-уми ноябр гуфтанд, ки ҳамлаҳои шабонаи Украина бо ҳавопаймоҳои бесарнишин сабаби сӯхтор дар чанд бино шуд.
Александр Богомаз, волии Брянск, дар Телеграм навишт, ки “маъмурони наҷот ва оташнишонҳо дар маҳалли ҳодиса ҳастанд”.
Вай аз ин бештар ҷузъиёт надод.
Вилояти Брянск дар сарҳади Русия бо Украина ҷойгир аст.
Вазорати мудофиаи Русия хабар дод, ки шаби 9 ба 10-уми ноябр дар умум 23 ҳавопаймои бесарнишини Украинаро нобуд карданд.
Ба иттилои манбаъ, танҳо 17 ҳавопайморо дар фзои Брянск задаанд.
Украина ба ин хабарҳо вокуниш накардааст.