Раисҷумҳури Амрико гуфт, нерӯҳои кишвараш ба пинҳонгоҳи аъзои ДОИШ ё гурӯҳи террористии “Давлати исломӣ” дар Сомалӣ зарба задаанд.
Ба иттилои Доналд Трамп, ҳамлаи ҳавоӣ рӯзи 1-уми феврал анҷом шуд.
“Ин қотилон дар ғорҳо пинҳон шуда буданд. Мо онҳоро ёфтем. Онҳо ба Иёлоти Муттаҳида ва ҳампаймонҳои мо таҳдид карданд,” -- гуфт Трамп дар баёнияаш.
Вай афзуд, дар ин ҳамла ғорҳое, ки ҷангҷӯён дар он мезистанд, вайрон шуда, бидуни осеб ба мардуми осоишта “бисёре аз террористҳо” кушта шудаанд.
Шохаи ДОИШ дар Сомалӣ алайҳи нерӯҳои амниятии ин кишвар меҷангад.