Аббос Ароқчӣ, вазири корҳои хориҷии Эрон гуфтааст, ки кишвараш омодаи музокира дар мавриди барномаи ҳастаӣ бо ИМА ҳаст, вале онро дар шароити “фишори сахти иқтисодӣ” қабул надоранд.
Амрико ва Исроил иддао доранд, ки Эрон дар пайи сохтани силоҳи ҳастаӣ аст. Эрон инро рад мекунад.
Доналд Трамп, президенти ИМА рӯзи 4-уми феврал таҳрими нав нисбат ба Эрон ҷорӣ кард, ки ба фурӯши нафти ин кишвар зарбаи сахт мезанад.
Аббос Ароқчӣ гуфтааст, ки Эрон дар сурате вориди гуфтугӯ ба ИМА хоҳад шуд, ки таҳримҳои нав бекор шаванд.
Трамп гуфта буд, ки ИМА ҳозир аст, бо Эрон музокира кунад, вале ин кишвар ҳеч шонсе барои сохтани силоҳи ҳастаӣ надорад.
Эрон солҳост, ки бо Исроил, шарики калидии Амрико дар Ховари Миёна душманӣ дорад ва вуҷуди ин кишварро қабул надорад.
Исроил ва ИМА Эронро ба он айбдор мекунанд, ки гурӯҳҳои мусаллаҳ дар Лубнон, Ғазза, Сурия ва Ироқро алайҳи Исроил сармоягузорӣ мекунад.