Нашрияи "The Wall Street Journal" хабар додааст, ки дар ҳамлаи Украина бо мушаки дурпарвози ATACMS дар Курск як генерали Кореяи Шимолӣ маҷрӯҳ шудааст.
Ин нашрия хабарро бо такя ба манбаҳояш дар Хадамоти истихбороти кишварҳои Ғарбӣ чоп кардааст.
Украина шаби 19-уми ноябр бо мушаки дурпарвози ATACMS ба Курск ҳамла кард.
Қаблан гузориш нашр шуда буд, ки дар Курск 10 ҳазор низомии Кореяи Шимолӣ барои ҷанг бо низомиёни Украина ҳузур доранд.
Владимир Путин, президенти Русия рӯзи 21-уми ноябр гуфт, ки дар ҳамла ба Курск баъзе низомиён осеб дидаанд, вале тафсилоти бештар надод.
Ҳафтаи гузашта расонаҳо хабар доданд, ки Ҷо Байден, президенти ИМА ба Украина иҷоза додааст, ки ба мушакҳои дурпарвоз ба хоки Русия ҳамал кунад.
Русия таҳдид кард, ки ба ин “посухи сахт” хоҳад дод.