Шоми 28-уми март бар асари ҳамлаҳои Русия ба шаҳри Днепри Украина чор сокини маҳаллӣ кушта ва 24 нафар захмӣ шудааст.
Мақомоти маҳаллӣ эълон карданд, ки чанд хона, меҳмонхона ва ошхонаҳо низ оташ гирифтанд.
Ба гуфтаи мақомоти украинӣ, Русия бо 20 дрон ба ин шаҳр ҳамла кардааст.
Андрей Сибиҳа, вазири умури хориҷии Украина гуфт, Русия сулҳ карданӣ нест.
Беш аз се сол боз ҳамлаҳои Русия ба Украина идома доранд. Доналд Трамп, президенти ИМА ваъда кардааст, ки ба ҷанг дар Украина поён медиҳад.
Ҳанӯз ҳеч нишонае аз поёни ҷанг дида намешавад.