Чин гуфтааст, омодааст, то барои риояи оташбас дар Украина ба ин кишвар нерӯи сулхоҳ фиристад.
Нашрияи Welt am Sonntag навиштааст, ки дипломатҳои Чин ин пешниҳодро ба Иттиҳоди Аврупо кардаанд. Ба навиштаи ин нашрия, эҳтимол ин тасмим фишор алайҳи Русияро сахттар кунад ва ин кишвар ба сулҳ розӣ шавад.
Доналд Трапм, президенти Амрико барои сулҳ дар Украина талош дорад ва бо Киев ва Маскав барои расидан ба оташбас гуфтугӯ мекунад.
Бархе кишварҳои аврупоӣ мегӯянд, агар миёни ду кишвар созишномаи оташбас имзо шавад, розӣ ҳастанд, то нерӯҳои посдори сулҳро ба Украина равон кунанд.
Мақомоти Русия борҳо гуфтаанд, ки ҳузури низомиёни кишварҳои узви НАТО дар Украинаро қабул надоранд.