Аз замони ҷанги Русия алайҳи Украина, бори аввалин бесарнишинҳо ба ҷумҳурии Доғистон ҳамла карданд.
Телеграм-каналҳои русӣ бо такя ба сокинони маҳаллӣ навиштанд, субҳи барвақти 6-уми ноябр дар Доғистон таркиш ва садои монанд ба тирпарронӣ шунида шуд.
Дертар Сергей Меликов, роҳбари Доғистон аз сарнагунии дрон ё бесарнишин хабар дод.
Меликов аз сокинон хост, "оромиро ҳифз карда, танҳо ба хабарҳои санҷидашуда" такя кунанд. Роҳбари Доғистон ҳамчунин гуфт, мардум навори ҳамлаи бесарнишинҳоро дар интернет пахш накунанд.
Дар бораи захмиён хабаре нашр нашудааст.