Нахуствазири Исроил Бенямин Нетаняҳу қарор аст рӯзи душанбеи 7-уми апрел ба Вашингтон сафар кунад. Дар ин бора нашрияи Axios бо такя ба манобеаш хабар додааст.
Ба қавли манбаъ, дар сурати анҷоми ин сафар, Нетаняҳу аввалин роҳбари хориҷӣ мешавад, ки шахсан бо Доналд Трамп вохӯрда, барои бекор кардани таърифаҳо талош мекунад.
Ҳафтаи гузашта Иёлоти Муттаҳида барои воридоти мол аз аксар кишварҳои ҷаҳон таърифа (тариф, тарофа) ҷорӣ кард. Ин таърифаҳо барои молҳое, ки аз Исроил вориди Амрико мешаванд 17 дарсад муқаррар шудааст. Пештар Тел-Авив ваъда дода буд, ки ҳамаи таърифаҳоро барои молҳо ИМА бекор мекунад.
Дар назар аст, ки Трамп ва Нетаняҳу ҳамчунин музокироти ба бунбаст расидаи оташбас дар Ғазза ва мавзӯи Эронро баррасӣ кунанд.