Мақомоти пулиси Афғонистон гуфтанд, ки 15 маъмури амниятии ин кишвар, ки дар як ширкати хусусии Амрикоӣ ба ҳайси муҳофиз кор мекарданд, рӯзи сешанбе дар як ҳамлаи ғофилгиронаи ҷангҷӯёни Толиб кушта шуданд. Хабаргузории Франс Пресс аз қавли Сайдохон афсари пулис навиштааст, ки ин ҳамла дар ноҳияи Балабулуки вилояти Фароҳ сурат гирифтааст ва дар ҷараёни он ҳамчунин панҷ муҳофизи дигари ширкати амрикоии Ю Эс Пи Ай маҷрӯҳ шудаанд.
