Раиси ҷумҳурии Қазоқистон Нурсултон Назарбоев гуфт, ки вай умедвор аст то соли оянда музокироти пазириши кишвари вай ба ҳайати Созмони ҷаҳонии тиҷорат анҷом хоҳад ёфт. Вай изҳороти мазкурро дар мулоқоти солонааш бо сафирони хориҷа дар Остона ироа кард. Қазоқистон содиркунандаи бузурги нафт, метал ва ғалла буда, ҷонибдори ҳифзи сармоягузории феълӣ ба риштаи кишоварзӣ мебошад ва хостори дар як вақт бо Русия шомил шудан ба ин созмон аст.
