Ожонси амнияти ҳастаии Ҷопон дараҷаи садама дар нирӯгоҳи ҳастаии Фукушимаро расман ба мизони баландтарини 7 расонд, ки баробари дараҷаи фоҷиаи нирӯгоҳи шӯравии Чернобил дар соли 1986 мебошад. То ҳол дараҷаи буҳрони нирӯгоҳи аз заминларза ва тсунамии рӯзи 11 март осебдидаи Ҷопон 5 гуфта мешуд. Дараҷаи 7 хуруҷи фаровони маводи радиоактив ва асобати саросарии он ба сиҳҳат ва муҳити зистро дар назар дорад.
