Муовини президент Камала Ҳаррис ва президенти собиқ Доналд Трамп чанд рӯз пеш аз интихоботи президентӣ рӯзи 1 ноябр дар масофаи 11 километр аз ҳамдигар дар минтақаи Милуокии аёлати калавандаи Висконсин бо овоздиҳандагон мулоқот карданд.
Милуокӣ асосан хонаи тарафдорони демократҳои Висконсин мебошад, вале дар маҳаллаҳои муҳофизакори канораҳои он асосан ҷумҳурихоҳҳо зиндагӣ мекунанд ва Трамп мехоҳад дили маҳз ҳамин овоздиҳандагонро ба даст оваранд.
Дар ин ҷо ӯ соли 2016 наздик буд баранда шавад, вале соли 2020 мағлуб шуд.
Як далелаш коҳиши дастгирии сокинони атрофҳои Милуоки аз ҷумҳурихоҳҳо ва тарафдории бештарашон аз демократҳо гардид. Ҳилларио Делеон, раиси як ҳавзаи ҳизби ҷумҳурихоҳ гуфт, “ҳарду номзад бисёр хуб дарк мекунанд, ки ҳамин роҳи ҳавзаи Милуокӣ рост ба Кохи Сафед мебарад”.