Кир Стаймер, нахуствазири Бритониё рӯзи 6-уми октябр аз тарафҳои даргир дар Ховари Миёна даъват кард, ки хештандорӣ нишон дода, оташбас ҷорӣ кунанд. Ба гуфтаи Стаймер, ҷанги яксола миёни Исроил ва “Ҳамос” ба равобити мардум дар дохили Бритониё таъсир гузоштааст.
Кир Стаймер дар остонаи солгарди ҳамлаи неруҳои “Ҳамос” ба Исроил, дар мақолае дар рӯзномани “Sunday Times” навишт, ин ҷанг “оташи ихтилофро дар ҷомеаи худамон дар дохили кишвар шуълавар мекунад.”
Гуруҳи «Ҳамос» дар Амрико ва Аврупо созмони террористӣ эътироф шудааст.
Нахуствазири Бритониё бо ишора ба инки дар кишвараш “миллионҳо нафар робитаи хонаводагӣ бо минтақа доранд” навиштааст, “Исроил ва Ховари Миёна на танҳо аз таърихи миллати мо ҷудонашаванда ҳастанд, балки робитаи амиқе бо ҷомеаи чандфарҳангии мо доранд.”
Оташи ҷанг дар Ховари Миёна як сол аст, ки хомӯш намешавад. Ахиран артиши Исроил эълон кард, ки барои нобуд кардани ҷангҷӯёни “Ҳизбуллоҳ” ба Лубнон ҳамла кардааст.