Додгоҳи шаҳри Маскав муҳлати тафтиши парвандаи ҳамла ба маҷмааи “Крокус Сити Ҳолл”-ро то 22 -юми декабри соли равон тамдид кард. Дар ин бора хабаргузории давлатии РИА Новости бо такя ба санади додгоҳӣ хабар додааст.
Дароз кардани муҳалти тафтишот дар ҳолест, ки мақомот қаблан гуфтанд, дар ин парванда ба эҳтимоли зиёд номи гумонбарони нав эълон мешавад.
Ҳамла ба "Крокус Сити Ҳолл" дар наздикии Маскав дар шаби 22-юми марти имсол сурат гирифт. Мақомоти Русия гуфтанд, дар ин ҳодиса 144 нафар ҷон бохта, беш аз 500 кас осеб диданд. Дар робита ба ин ҳодиса ҳудуди 20 кас боздошт шуданд, ки 14 нафарашон зодагони Тоҷикистон ҳастанд.
Муҳоҷирон мегӯянд, баъди ин ҳодиса аҳволашон дар Русия бадтар шуд.